းၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆဢုပ်ႉပိူင်ႇ SSPP/SSA ဢၼ်ပၵ်းသဝ်ႈတူင်ႉၼိုင် ၼႂ်းၼႃႈမိူင်းပွတ်းႁွင်ႇ ၸေႈဝဵင်းသီႇပေႃႉၼၼ်ႉ ဢွၼ်ႁူဝ်ၸွႆႈထႅမ် သိူဝ်ႇသၢႆးသဵၼ်ႈတၢင်း ၵႂႃႇမႃးၼႂ်းပိုၼ်ႉတီႈ။

မိူဝ်ႈဝၼ်းထီႉ 06-02-2023 ၶၢဝ်းယၢမ်းၵၢင်ၼႂ် (08:00) မူင်းတေႃႇ ဝၢႆးဝၼ်း (04:00) မူင်းၼၼ်ႉ ၽူႈမီးပုၼ်ႈၽွၼ်း ၼႂ်းပိုၼ်ႉတီႈ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ဢွၼ်ႁူဝ်ပေႃႈမႄႈၵူၼ်းမိူင်းသေ ဢဝ်ၵႃးထုၺ်ႇ၊ ၵႃးသူၵ်ႇသၢႆး ၊ မႄးသိူဝ်ႇသၢႆးသဵၼ်ႈတၢင်း လုၵ်ႉဝၢၼ်ႈပၢင်ၸူင် တေႃႇထိုင် ဝၢၼ်ႈပၢင်ၶူး ၼႂ်းဢိူင်ႇသီႇထွၵ်ႈ ၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ၊ ႁႅင်းၵူၼ်းသိုၵ်း/ ၵူၼ်းမိူင်း ႁူမ်ႈသဵင်ႈမီး 279 ၵေႃႉ ၊ ႁႅင်းထေႃႈ/ၵႃး (71) လမ်း၊တၢင်းၵႆ ဢၼ်လႆႈသိူဝ်ႇသၢႆးထုၺ်ႇတၢင်း မီးမွၵ်ႈ 7 လၵ်း ၼႆယူႇယဝ်ႉ ။

မိူဝ်ႈဝၼ်းထီႉ07-02-2023 ၼၼ်ႉၵေႃႈ ႁႅင်းၵူၼ်းသိုၵ်း/ၵူၼ်းမိူင်း 231 ၵေႃႉ ၊ ႁႅင်းထေႃႈ/ ၵႃး 53 လမ်း လႆႈႁူမ်ႈၵၼ် သိူဝ်ႇသၢႆးၸွမ်းတၢင်း ၼႂ်းၵႄႈၵၢင် ဝၢၼ်ႈပၢင်ၶူး လႄႈ ဝၢၼ်ႈၼမ်ႉမေႃႇသၢႆး ဢိူင်ႇသီႇထွၵ်ႈထႅင်ႈယူႇယဝ်ႉ။

ၸွမ်းၼင်ႇၶေႃႈတႅပ်းတတ်းငဝ်ႈငုၼ်း ဢမ်ႇၼၼ် ၽႅၼ်ၵၢၼ်လူင်ငဝ်ႈငုၼ်းဢွၼ်ႁူဝ်ႁဵတ်းသၢင်ႈ လွင်ႈတွၼ်ႈလိၼ်ၶိုၼ်ႈယႂ်ႇ ၊ လွင်ႈၸွႆႈထႅမ်ပေႃႈမႄႈၵူၼ်းမိူင်းၼႆႉ ဢိင်ဢဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈသေ ၵႃႈၼင်ႇပွင်ပဵၼ်လႆႈၼၼ်ႉ တိုၼ်းတေလႆႈ ၶတ်းၸႂ်ၸွႆႈထႅမ် ၵႂႃႇယူႇယဝ်ႉ ။#shanstateprogressparty

#shanstatearmy

#ssppinfo

#ၵၢၼ်ၸွႆႈထႅမ်ၵူၼ်းမိူင်း