ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ဢၼ်ပၵ်းသဝ်းတူင်ႉၼိုင် ၼႂ်းၸေႈဝဵင်းၵျွၵ်ႉမႄး ၼၼ်ႉ ၸွႆႈပေႃႈမႄႈ ၵူၼ်းမိူင်း ၸွႆႈၵေႃႇသၢင်ႈ တိူၵ်ႈသွၼ်လိၵ်ႈ လႄႈ ၵျွင်းသင်ႇၶႃႇ ၼႆယူႇယဝ်ႉ ။
ဝၼ်းထီႉ 22-06-2023 ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ႁႅင်းၵူၼ်းသိုၵ်း (36) ၵေႃႉ လႆႈၵႂႃႇ ၸွႆႈထႅမ် ပေႃႈမႄႈၵူၼ်းမိူင်း ႁူမ်ႈၵၼ် ႁဵတ်းၵၢၼ် ၵေႃႇသၢင်ႈ တိူၵ်ႈသွၼ်လိၵ်ႈ လႄႈ ဝတ်ႉၵျွင်းသၢင်ႇၶႃႇ ဝိ ႁၢၼ်ႇၶၢႆးလူင် ဝၢၼ်ႈၶၢႆးလူင် ဢိူင်ႇပၢင်မလုပ်ႇ ၸေႈဝဵင်းၵျွၵ်ႉမႄး ၼႆယူႇယဝ်ႉ ။
လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တေၶတ်းၸႂ် ၸွႆႈထႅမ်ၵႂႃႇယူႇ ယဝ်ႉ ။
