ၽၢႆႇၶွင်ႇသီႇသိုၵ်းမၢၼ်ႈ ၽႃႇၺႃးမၢၵ်ႇ သေ တင်းၸုမ်း PDF ၶိုၼ်းမီးလွင်ႈ ပိုတ်းယိုဝ်းၵၼ် ႁၢဝ်ႈႁႅင်း တီႈတိူင်းၸေႈၵႅင်း ဝဵင်းၵလေး ၽၢႆႇသိုၵ်းမၢၼ်ႈ မီးလွင်ႈလူႉတၢႆၼမ် ဝႃႈၼႆ ။
မိူဝ်ႈဝႃး ဝၼ်းထီႉ 15/လိူၼ်ၼူဝ်ႇဝုၼ်ႊပိူဝ်ႊ/2021 ယၢမ်းၵၢင်ၼႂ် မွၵ်ႈ 10 မူင်းၼၼ်ႉ ယွၼ်ႉၽၢႆႇသိုၵ်းမၢၼ်ႈ ဢမ်ႇၵႂႃႇၸွမ်းၼိူဝ်သဵၼ်ႈတၢင်းလူင် ပႆလတ်းၶဝ်ႈထိူၼ်ႇ ထူဝ်းၼႃႈသိုၵ်း လႄႈ ၽႃႇၺႃးမၢၵ်ႇ ဢၼ်သိုၵ်း PDF ႁၢင်ႈၵၢင်ၼၼ်ႉသေ သွင်ႇၽၢႆႇမီးလွင်ႈပိုတ်းယိုဝ်းၵၼ် ၽၢႆႇသိုၵ်းမၢၼ်ႈ ၶိုၼ်းထွႆလူင်း လႄႈ ယူႇတီႈသိုၵ်း PDF သမ်ႉၶိုၼ်းလမ်းယိုဝ်းၸွမ်းလင် ႁဵတ်းႁႂ်ႈသိုၵ်းမၢၼ်ႈလူႉတၢႆ ဢမ်ႇယွမ်း 10 ၵေႃႉဝႃႈၼႆ ။
ၽၢႆႇသိုၵ်းမၢၼ်ႈ ၶဝ်ၼႆႉ ဢမ်ႇၼုင်ႈၶူဝ်းသိုၵ်းၶဝ် ၵူၺ်းၶဝ် ပွမ်ၼုင်ႈၶူဝ်းႁဵတ်းမိူၼ်ၼင်ႇ ၵူၼ်းလဵၼ်ႈႁႅင်း သေၶဝ်ႈမႃး မီးဢဵၼ်ႁႅင်း မွၵ်ႈ 80 ၵေႃႉပၢႆ ဝႃႈၼႆ ။
Sourse News.DVB.no
