တီႈမိူင်းၶျၢင်း ၸေႈဝဵင်းမိၼ်းတပ်ႉ ဝၼ်းထီႉ 04.11.2021 ယၢမ်းၵၢင်ၼႂ် ၸုမ်းသိုၵ်း ဢၼ်ပဵၼ် CDF တင်း ၸုမ်းၶွင်ႇသီႇသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ်ႁၢဝ်ႈႁႅင်း လႄႈ ၽၢႆႇၶွင်ႇသီႇ သိုၵ်းမၢၼ်ႈ လႆႈလူႉတၢႆ 25 ၵေႃႉ လႆႈမၢတ်ႈၸဵပ်းတၢင်းၼမ် ဝႃႈၼႆ။
ယၢမ်းၵၢင်ၼႂ် မွၵ်ႈ 8 မူင်းၼၼ်ႉ ၶွင်ႇသီႇသိုၵ်းမၢၼ်ႈ တိုၵ်ႉထူဝ်းသိုၵ်းမႃးၼိူဝ်သဵၼ်းတၢင်းၵႃး ဢၼ်မီးၽၢႆႇတူၵ်း ဝဵင်းမိၼ်းတပ်ႉ သဵၼ်ႈတၢင်း မိၼ်းတပ်ႉ- မတူႇပီၼၼ်ႉ ၽၢႆႇၸုမ်းသိုၵ်း CDF ႁၢင်ႈၵၢင်မၢၵ်ႇဝႆႉသေ ယူႇတီႈသၢႆသိုၵ်းမၢၼ်ႈယဵပ်ႇၺႃး လႄႈ ထုၵ်ႇၺႃးလူမ်ႇယိုဝ်း လႆႈလူႉတၢႆ 25 ၵေႃႉ မၢတ်ႇၸဵပ်း တင်းၼမ် ဝႃႈၼႆ။
မိူဝ်ႈၽွင်းသၢႆၵႃး ၶွင်ႇသီႇသိုၵ်းမၢၼ်ႈတိုၵ်ႉမႃးယူႇၼၼ်ႉ ၸုမ်းသိုၵ်း CDF ၶဝ်ႈတိုၵ်းၵမ်းလဵဝ် လႄႈ ၽွင်းသွင်ၽၢႆႇတိုၵ်ႉပိုတ်းယိုဝ်းၵၼ်ယူႇၼၼ်ႉ ၵူၼ်းႁေႃႈၵႃးၽၢႆႇသိုၵ်းမၢၼ်ႈ ႁေႃႈလႅၼ်ႈပႅတ်ႈ လႄႈ သိုၵ်းမၢၼ်ႈထုၵ်ႇၺႃးယိုဝ်းမၢတ်ႇၸဵပ်းၼမ် ဝႃႈၼႆ။
ပူၼ်ႉမႃး ဝၼ်းထီႉ 03.11.2021 ၼိူဝ်သဵၼ်ႈတၢင်း မိၼ်းတပ်ႉ- မတူႇပီၵူၼ်းၼင်ႇၵဝ်ႇ ၸုမ်းသိုၵ်း CDF တင်း ၶွင်ႇသီႇသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ် ၽၢႆႇၶွင်ႇသီႇသိုၵ်းမၢၼ်ႈ လူႉတၢႆ 10 ၵေႃႉ မၢတ်ႈၸဵပ်းတၢင်းၼမ်မိူၼ်ၵၼ် ၊ ၽၢႆႇၸုမ်းသိုၵ်း CDF ၵေႃႈလႆႈလူႉတၢႆ ၼိုင်ႈၵေႃႉဝႃႈၼႆ။
ၸုမ်းသိုၵ်း CDF ၵေႃႉၼိုင်ႈလၢတ်ႈၼေဝႃႈ- ဝၼ်းထီႉ 05.11.2021 ၼႆႉ ၸုမ်းသိုၵ်း CDF ၊ Zoland-PDF တင်း ၶွင်ႇသီႇသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ် ၽၢႆႇၶွင်ႇသီႇသိုၵ်းမၢၼ်ႈ လူႉတၢႆ 2 ၵေႃႉ၊ သိမ်းလႆႈပႃးၵွင်ႈသိုၵ်းမၢၼ်ႈ 2 လဝ်း ၊ ၵမ်ႈၽွင်ႈၵေႃႈမၢတ်ႈၸဵပ်း ” ဝႃႈၼႆ ။
Soure news.dvb.no
