SSPP/SSA 02.10.2021
မိူဝ်ႈၼႆႉဝၼ်းထီႉ( 2 )ဝၼ်း လိူၼ် October 2021 လၢၼ်ႉၶၢႆၼမ်ႉမၼ်း Regency လႄႈ KS (ကျော်စံ) တေတေႇၶၢႆပၼ်ၼမ်ႉမၼ်း ၵႃႈၶၼ်ထုၵ်ႇသေတၢင်ႇလၢၼ်ႉၶၢႆၼမ်ႉမၼ်းၼႂ်းမိူင်းတႆးပွတ်ႇႁွင်ႇၼႆႉ။
လၢၼ်ႉၶၢႆၼမ်ႉမၼ်း Agency လႄႈ KS (ကျော်စံ) ၶၢႆပၼ်ၼမ်ႉမၼ်းထုၵ်ႇမႅၼ်ႈသေ ၵႃးၼိုင်ႈလမ်းၼႆႉ တေသႂ်ႇပၼ်တႃႇ 15,000 ပျႃး လႄႈ လူတ်ႉၶိုင်ႈ (ဆိုင်ကယ်) ၼိုင်ႈလမ်း တေသႂ်ႇပၼ် 2,000 ပျႃး ၵူၺ်းဝႃႈၼႆ။ တီႇၸေႇ (Diesel) ၼိုင်ႈလီႇတႃႇ (1,187)ပျႃး၊ (Premium Diesel) ၼိုင်ႈလီႇတႃႇ (1,194)ပျႃး၊ ထၢတ်ႈသီႇ (Octane 92) ၼိုင်ႈလီႇတႃႇ (1,197)ပျႃးလႄႈ ထၢတ်ႈသီႇ (Octane 95) ၼိုင်ႈလီႈတႃႇ (1,750)ပျႃး လႆႈႁူႉဝႆႉၼင်ႇၼႆၶႃႈ။
ယွၼ်ႉၽွၼ်းတုမ်ႉယွၼ်ႈၶွင်ႇသီႇသိုၵ်းမၢၼ်ႈသိမ်းဢႃႇၼႃႇလႄႈ ၶၼ်ငိုၼ်းလႆႈတုၵ်းလူင်းႁႅင်းသေ ၵႃႈၼမ်ႉမၼ်းၵေႃႈလႆႈၶိုၼ်ႈမႃးႁႅင်း ၼိုင်ႈလီႇတႃႇလႂ် ထိုင် သွင်ႁဵင် / သွင်ႁဵင်ပၢႆ / ၼိုင်ႈပုင်းပေႇပႃႇ ၼိုင်ႈလုၵ်ႈ မၢင်တီႈ ထိုင် သီႇသႅၼ် တေႃႇ သီႇသႅၼ်ႁႃႈ ၼႂ်းမိူင်းတႆး ၸိူဝ်းၼႆႉလႄႈ ႁဵတ်းႁႂ်ႈၸဝ်ႈလူတ်ႉ ၸဝ်ႈၵႃး မီးလွင်ႈယၢပ်ႇၽိုတ်ႇ တႃႇတေၸႂ်ႉတိုဝ်း ၼႂ်းတွၼ်ႈတႃႇႁဵတ်းၵၢၼ်ၸိူဝ်းၼႆႉ ဝႃႈၼႆ ။
