SSPP/SSA 28.09.2021
မိူဝ်ႈဝႃးဝၼ်းထီႉ 27/09/2021 ယၢမ်းၵၢင်ၼႂ် 09:44 မူင်းၼၼ်ႉ တီႈပွၵ်ႉ(4)၊ သဵၼ်ႈတၢင်း(ဗိုလ်ချုပ်)၊ ၽၢႆႇၼႃႇတၢင်းၶဝ်ႈ သူၼ်မွၵ်ႇ(မြကန်သာ)၊ ဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ။
တူၼ်ႈမႆႉၺွင်ႇလူင်လုမ်ႉတဵင်သႂ်ႇၼိူဝ်သဵၼ်ႈတၢင်း လႄႈ တိူဝ်ႉၺႃးၵႃးၼိုင်ႈလမ်း၊ ထေႃႈၼိုင်ႈလမ်း ၼႂ်းၵႃးၼၼ်ႉ မီးၵူၼ်းမၢတ်ႇၸဵပ်းၶမ်ယူႇဝႆႉၼႂ်းၵႃးသေ ၊ ယူႇတီႈၽူႈမီးပုၼ်ႈၽွၼ်းၽၢႆႇၶႄၾႆး (မီးသတ်)ၶဝ် လႆႈၸွႆႈၵၼ်ဢဝ်ၵူၼ်းမၢတ်ႇၸဵပ်းၼႂ်းၵႃးလမ်းၼၼ်ႉ ဢွၵ်ႇမႃးယူၼႆၶႃႈ။
ၽၢႆႇၽူႈမီးၽွၼ်းၽၢႆႇၶႄၾႆး (မီးသတ်) တီႈၼႂ်းဝဵင်းတၢင်ႉယၢၼ်းၶဝ်ၵေႃႈ လႆႈႁွင်ႉဢဝ်ၵႃး တၢင်ႇၵူၼ်းပဵၼ်(Ambulance) ၶဝ်သေ လႆႈသူင်ႇပၼ်ၵႂႃႇတီႈႁူင်းယႃလူင်ယူႇၼႆၶႃႈ ။
မႆႉၺွင်ႇဢၼ်လုမ်ႉတဵင်သႂ်ႇၼိူဝ်သဵၼ်ႈတၢင်းၸိူဝ်းၼၼ်ႉၵေႃႈ ၽၢႆႇၽူႈမီးပုၼ်ႈၽွၼ်းၶႄၾႆး (မီးသတ်း) ၶဝ်ဢဝ် ၵႃးမဵတ်း မဵတ်းဢွၵ်ႇသေ ဢွၼ်ၵၼ်တီႇၽဵဝ်ႈၵႂႃႇယူႇ ဝႃႈၼႆ။
Source : Local
Photo : Credit
