SSPP/ SSA 24.09.2021
မိူဝ်ႈဝႃးဝၼ်းထီႉ 23 September 2021 ၽွင်းယၢမ်း ၵၢင်ၶမ်ႈၼၼ်ႉ တီႈလႅၼ်လိၼ် မိူင်းယၢင်း မိူင်းတႆးပွၼ်းၸၢၼ်း ဝဵင်းၽၢႆၶုၼ်ႇ ၸုမ်း PDF လႄႈ ၶွင်ႇသီႇသိုၵ်းမၢၼ်ႈ မီးလွင်ႈပိုတ်းယိုဝ်းၵၼ် ဝႃႈၼႆ ။
ယၢမ်းတၢမ်းၶမ်ႈ 4:00 ၼၼ်ႉ ယွၼ်ႉၸုမ်း PDF လႄႈ KNDF ၶဝ်ၽႅၼ်ၵၢၼ်သိုၵ်း ႁိမ်းတပ်ႉၶွင်ႇသီႇ သိုၵ်းမၢၼ်ႈ (ခမရ ၃၃၆) ဢၼ်ပၵ်းသဝ်းဝႆႉ တီႈဝဵင်းၽၢႆၶုၼ်ႇ လႄႈ မိူဝ်ႈယၢမ်းၵၢင်ၶမ်ႈ 9:00 မူင်းၼၼ်ႉ လုၵ်ႉတီႈ (စကခ ၇) သေ လႆႈဢဝ်ၶိူင်ႈလူင်၊ ၶိူင်ႈဢွၼ်ႇ ယိုဝ်းၵႂႃႇၸူးလွႆၸိူဝ်း ဢၼ်ၶဝ်ထၢင်ႇထိူမ်ဝႃႈ ၸုမ်း PDF ၶဝ်မီးဝႆႉယူႇၼၼ်ႉ။ ၸုမ်း PDF ၶဝ်ၵေႃႈ လႆႈၶိုၼ်းတုမ်ႉ တွပ်ႇၶိုၼ်းယူႇ ၵူၺ်းဢမ်ႇလႆႈမီးလွင်ႈ မၢတ်ႇၸဵပ်းလူႉတၢႆသင်ၼင်ႇၵဝ်ႇ ဝႃႈၼင်ႇၼႆ။
ၵဵဝ်လူၺ်ႈလွင်ႈပိုတ်းယိုဝ်းၵၼ်ၼၼ်ႉသေ ၸုမ်းၶွင်ႇသီႇသိုၵ်းမၢၼ်ႈ ၵူဝ်ၸုမ်း PDF ၶိုၼ်းပိုတ်ႇ ၼႃႈသိုၵ်းၸူးၶဝ်ထႅင်ႈလႄႈ ၸင်ႇလႆႈလၢမ်းယိုဝ်းသႂ်ႇတီႈ သၼ်လွႆ ဢၼ်PDF ၶဝ် ယၢမ်ႈဢဝ်မၢၵ်ႇသွတ်ႉ (107.MM) ယိုဝ်းဝႆႉၸိူဝ်းၼၼ်ႉ ဝႃႈၼႆ ။
မိူဝ်ႈပူၼ်ႉမႃးလိူၼ် August ၼၼ်ႉၸုမ်း PDF လႄႈ KNDF ၶဝ်ႁူမ်ႈၵၼ်သေ လႆႈဢဝ်မၢၵ်ႇသွတ်ႉ (107.MM) ယိုဝ်းသႂ်ႇၼႂ်းၼႃႈလိၼ်တပ်ႉ (စကခ ၇) ၶွင်ႇသီႇသိုၵ်းမၢၼ်ႈၶဝ် ဝႃႈၼႆ။
Source : Khit Thit Media
Photo : Credit
