SSPP/SSA 21.09.2021
ဝၢႆးသေလၵ်းၽူင်း Mytel ၶွင်ၸုမ်းၶွင်ႇသီႇသိုၵ်းမၢၼ်ႈထုၵ်ႇၺႃး ဢဝ်မၢၵ်ႇပွႆႇ သေယႃႉလႅဝ်ပႅတ်ႈတီႈ ၸေႈဝဵင်းၵျွၵ်ႉမႄးယဝ်ႉ ယူႇတီႈၸုမ်းၶွင်ႇသီႇသိုၵ်းမၢၼ်ႈ ပၼ်ၶေႃႈသင်ႇတီႈၸဝ်ႈလၢၼ်ႉၶၢႆၽူင်း ႁႂ်ႈၸဝ်ႈလၢၼ်ႉၶၢႆၽူင်း ၵဵပ်းသၢႆမၢႆ ၸိုဝ်ႈသဵင် လႄႈ တီႈယူႇၵူၼ်းသိုဝ်ႉၽူင်း ဢၼ်ပဵၼ်ၽူင်း Keypad ဝႃႈၼႆ။
ၵဵဝ်ႇလူၺ်ႈလွင်ႈမၢၵ်ႇတႅၵ်ႇတီႈလၵ်းၽူင်းၼၼ်ႉသေ ယွၼ်ႉဝႃႈ ၵူၼ်းႁၢင်ႈမၢၵ်ႇၼႆႉ ဢဝ်ၽူင်း Keypad သေၸႂ်ႉတိုဝ်း လွၵ်းလၢႆးႁၢင်ႈမၢၵ်ႇ လႄႈ ၸုမ်းသိုၵ်း ၶွင်ႇသီႇသိုၵ်းမၢၼ်ႈၶဝ် ၸွမ်းၸွပ်ႇႁႃသၢႆမၢႆၵူၼ်းယၢမ်ႈသိုဝ်ႉၽူင်း Keypad လႄႈ ႁႂ်ႈၸဝ်ႈလၢၼ်ႉၶၢႆၽူင်းၶဝ် ၵဵပ်းဝႆႉတီႈယူႇ၊ ၸိုဝ်ႈသဵင် လႄႈ မၢႆၽူင်းၵူၼ်းဢၼ်မႃးသိုဝ်ႉၽူင်း Keypad တီႈၼႂ်းၸေႈဝဵင်းၵျွၵ်ႉမႄး ဝႃႈၼႆ။
ဝၢႆးသေလၵ်းၽူင်းထုၵ်ႇၺႃးယႃႉလႅဝ်မိူဝ်ႈဝႃးတၢမ်းၶမ်ႈၼၼ်ႉယဝ်ႉ ၸုမ်းသိုၵ်းၶွင်ႇသီႇသိုၵ်းမၢၼ်ႈ ၶဝ်ၸွမ်းသွၵ်ႈႁႃ တီႈၼႂ်းႁိူၼ်း ၵူၼ်းဢၼ်ထုၵ်ႇၺႃးဢဝ်လိူင်ႈလူၺ်ႈမၢတ်ႈတႃ 505 (ပုဒ်မ ၅၀၅) ဝႆႉ လႄႈ ၵူၼ်းဢၼ်ၶဝ်ထၢင်ႇထိူမ်ၼၼ်ႉယူႇ ဝႃႈၼႆ ။
Source – Lashio Media News
