ဝၼ်းထီႉ 25/08/2021 ပႃႇတီႇမႂ်ႇသုင်ၸိုင်ႈတႆး SSPP/SSA ၽၢႆႇဢုပ်ႉပိူင်ႇ ဢၼ်ယူႇၼႂ်းၼႃႈတီႈၸေႈဝဵင်း မၢႆ 10 ၊ ၸေႈဝဵင်း မၢႆ 8 ၊ တီႈဢိူင်ႇၼမ်ႉပွင်ႈ ၸိူဝ်းၼႆႉ ၸွႆႈထႅမ်ၵူၼ်းမိူင်း ထူၺ်ႈထူဝ်ႇလိၼ်ႇ ၊ ႁူမ်ႈၵၼ် ၽုၵ်ႇတူၼ်ႈမႆႉ ၸွမ်း ႁိမ်းႁွမ်း ဝၢၼ်ႈၵူၼ်းမိူင်း လႄႈ ထူၺ်ႈၵႃႈ ၊ သွမ်ႈၼႃး ၸွႆႈၵူၼ်းမိူင်း ၸိူဝ်းၼႆႉဝႃႈၼႆ ။
ဢၼ်လႆႈၵႂႃႇၸွႆႈထႅမ်ၵူၼ်းမိူင်းႁဝ်းၶႃႈၼႆႉတႄႉ ပဵၼ်ၵၢၼ်ၵူၼ်းသိုၵ်းႁဝ်းၶႃႈယဝ်ႉ ၊ ပေႃးမီး ၶၢဝ်းယၢမ်း တၼ်းၵႃႈႁိုဝ်ၵေႃႈ ၸွႆႈထႅမ်ၵူၼ်းမိူင်းႁဝ်းၶႃႈၵႂႃႇတႃႇသေႇၼႆ ၸွမ်းၼင်ႇ ၽူႈယႂ်ႇ ၵူၼ်းလူင် ႁဝ်းၶႃႈ သင်ႇလၢတ်ႈဝႆႉၼၼ်ႉ ႁဝ်းၶႃႈၵေႃႈ တိုၼ်းၶတ်းၸႂ်ၸွႆႈထႅမ်ၵူၼ်းမိူင်းႁဝ်းၶႃႈ ၵႃႈၼင်ႇ ပွင်ပဵၼ်လႆႈယူႇ တႃႇသေႇၶႃႈၼႆ ၽူႈမီးပုၼ်ႈၽွၼ်း ၽၢႆႇဢုပ်ႉပိူင်ႇ ဢၼ်တူင်ႉၼိုင် ၸဝ်ႈၼိုင်ႈ လၢတ်ႈၼႄ ၼင်ႇၼႆၶႃႈ ။
ယူႇတီႈၽၢႆႇဢုပ်ႉပိူင်ႇ လႆႈၵႂႃႇၸွႆႈထႅမ်တႄႉ ၸိုဝ်ႈၸဝ်ႈသူၼ် လုင်းမွင်ႇ + ပႃႈတၢၼ်း ဝၢၼ်ႈလွႆငိုၼ်း ဢိူင်ႇတူၼ်ႈၵႅင်း ၸေႈဝဵင်းသီႇပေႃႉ လႄႈ ဢိၵ်ႇတင်းႁူမ်ႈၵၼ်တင်းၵူၼ်းမိူင်း ၽုၵ်ႇသွမ်ႈ တူၼ်ႈမႆႉ မွၵ်ႇၸလီႇ တႃႇၼိုင်ႈႁဵင် တူၼ်ႈ ႁူမ်ႈၵူၼ်းသိုၵ်းၵူၼ်းမိူင်း 96 ၵေႃႉ တီႈဝၢၼ်ႈပုင်ႇလႅၼ်း ၊ ယူႇတီႈ ငဝ်ႈငုၼ်း SSPP/SSA လႆႈၸွႆႈထႅမ်ပၼ် တူၼ်ႈမွၵ်ႇၸလီႇ တႃႇၼိုင်ႈႁဵင်တူၼ်ႈ ၵႂႃႇဝႃႈၼႆ။
ပူၼ်ႉမႃး မိူဝ်ႈဝၼ်းထီႉ 24-08-2021 ၼၼ်ႉၵေႃႈ ယူႇတီႈ ၽၢႆႇဢုပ်ႉပိူင်ႇ လႆႈၵႂႃႇၸွႆႈထႅမ် ၵူၼ်းမိူင်း သွမ်ႈၼႃႈ ထူၺ်ႈၵႃႈ ၊ ၸိုဝ်ႈၸဝ်ႈၼႃး လုင်းလိင်ႇ + ပႃႈၶႄႇ ၊ လုင်းသႃႇ + ပႃႈလွတ်ႈ ဝၢၼ်ႈႁူဝ်ပၢႆၸၢၼ်း ၸုမ်းၼိုင်ႈ ဢိူင်ႇၼမ်ႉပွင်ႈ ၸေႈဝဵင်းလႃႈသဵဝ်ႈ ၼႆၶႃႈ ။
