ၽၢႆႇဢုပ်ႇပိူင်ႇပိုၼ်ႉတီႈ တၢင်ႇတူဝ်ငဝ်ႈငုၼ်း SSPP/SSA ၸွႆႈထႅမ်ၶဝ်ႈပိူၵ်ႇ သိုၵ်းၵူၼ်းမိူင်း လၢႆလၢႆဝၢၼ်ႈ ၸိူဝ်းၼၼ်ႉ ၼပ်ႉႁူဝ်ပၢၵ်ႇထူင် ။
ဝၼ်းထီႉ 06 လိူၼ်ၵျုၼ်ႇလၢႆႇ 2021 ၼႆႉ ယူႇတီႈ ၽူႈၸတ်းၵၢၼ်ၸေႈဝဵင်း မၢႆ 06 ၼႂ်းၸေႈဝဵင်း မိူင်းယႆ ဢွၼ်ႁူဝ်သေ ၸွႆႈထႅမ် ၶဝ်ႈပိူၵ်ႈ တႃႇသိုၵ်းၵူၼ်းမိူင်း တီႈဝၢၼ်ႈ ၵုင်းၼိဝ်ႉ ၊ ဝၢၼ်ႈၼမ်ႉ ၽၢတ်ႇ ၊ ဝၢၼ်ႈၶိၼ်ဢုၵ်း ၊ တႃႇၶဝ်ႈပိူၵ်ႇ 28 ထူင် ၼႆၶႃႈ ။
မိူဝ်ႈဝၼ်းထီႉ 07 လိူၼ်ၵျူၼ်ႇလၢႆႇ ၼၼ်ႉၵေႃႈ ယူႇတီႈ ၽူႈၸတ်းၵၢၼ်ၸေႈဝဵင်း မၢႆ 10 လႆႈၸွႆႈ ထႅမ်ပၼ် ၶဝ်ႈသၢၼ် 190 ထူင် တီႈသိုၵ်းၵူၼ်းမိူင်း ၼႂ်းတပ်ႉၵွင် 357 ၵႂႃႇမိူၼ်ၵၼ် ။
သိုၵ်းၵူၼ်းမိူင်းၼႆႉ ၵွပ်ႈပိူဝ်ႈမီးပုၼ်ႈၽွၼ်း သွင်ၽၢႆႇ ၽၢႆႇၼိုင်ႈ ယူႇၸွမ်းၵူၼ်းမိူင်း ၸွႆႈထႅမ် ၵူၼ်းမိူင်း ၵႅတ်ႇၶႄပၼ်ၵူၼ်းမိူင်း ၼႂ်းဝၢၼ်ႈ ၼႂ်းဢိူင်ႇၽႂ်မၼ်း ၊ ထႅင်ႈၽၢႆႇၼိုင်ႈ သင်ဝႃႈမုၵ်ႉၸုမ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး မီးၼႃႈၵၢၼ်သင်မႃးၵေႃႈ ၶဝ်ႈႁၢပ်ႇၸွႆႈထႅမ်ၵႂႃႇယူႇ ၊ ၵွပ်ႈၼၼ် သိုၵ်းၵူၼ်းမိူင်း ၸိူဝ်းဢၼ်လႆႈႁၢပ်ႇၵၢၼ်သေ ၼႃႈႁိူၼ်း မီးလွင်ႈယၢပ်ႇၽိုတ်ႇၼၼ်ႉ ၸွမ်းၼင်ႇပွင်ပဵၼ်လႆႈၵေႃႈ ၶတ်းၸႂ်ၵႄႈလိတ်ႈပၼ်ၵႂႃႇယူႇ ၼႆၶႃႈ ။
