February 15,2021
By – SSPP/SSA
ၼႂ်းလိူၼ်ၾႅပ်ႇဝႃႇရီႇ 14 ဝၼ်း ပီႊ 2021 ၼီႊ ၶၢဝ်းယၢမ်းၵၢင်ၼႂ် 9:00 မူင်း တေႃႇထိုင် ၶၢဝ်းယၢမ်းဝၢႆး ဝၼ်း 2:30 မူင်းၼၼ်ႉ ၽၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) ႁူမ်ႈ ႁႅင်းၵူၼ်း(12)ၵေႃႉ၊ ၵႃးတူင်ႈၽူင်ႈ(1)လမ်း လႆႈတၢင်ႇၸိူဝ်ႉၽၼ်းၶဝ်ႈဝၢၼ်ႇ(30)လင်သေ ၵႂႃႇၸွႆႈ ထႅမ်ၸႅၵ်ႇပၼ်ၸိူဝ်ႉၽၼ်းၶဝ်ႈဝၢၼ်ႇ တီႈပေႃႈမႄႈၵူၼ်းမိူင်းဝၢၼ်ႈၼမ်ႉပူႁွင်ႇလႄႈ ဝၢၼ်ႈၼမ်ႉပူ ၸၢၼ်း၊ ၸုမ်း(2)၊ ဢိူင်ႇၶွၵ်ႈၸၢင်ႉ၊ ၸေႈဝဵင်းဝၢၼ်ႈႁႆး၊ တူင်ႇဝဵင်းၵေႇသီႇ ၵႂႃႇယူႇ။
ၸိူဝ်ႉၽၼ်းၶဝ်ႈဝၢၼ်ႇ ဢၼ်လႆႈၸွႆႈထႅမ်ၵႂႃႇၼၼ်ႉ တီႈဝၢၼ်ႈၼမ်ႉပူႁွင်ႇ လင်ႁိူၼ်းၵူၼ်းမီး(21) လင် ၸိူဝ်ႉၽၼ်းၶဝ်ႈႁႆႈ(51)တၢင်ပၢႆ(1)ၶႂၢႆးသေ ၸိူဝ်ႉၽၼ်းၶဝ်ႈၼႃး(6)တၢင်ႇယူႇ။ တီႈဝၢၼ်ႈၼမ်ႉပူ ၸၢၼ်း လင်ႁိူၼ်းၵူၼ်းမီး(16)လင် ၸိူဝ်ႉၽၼ်းၶဝ်ႈႁႆႈဢၼ်လႆႈၸွႆႈထႅမ်ၵႂႃႇ(28)တၢင်ပၢႆ(1)ၶႂၢႆးသေ ၸိူဝ်ႉၽၼ်းၶဝ်ႈႁႆႈ(34)တၢင်ယူႇ။
