January 21,2021
By – SSPP/SSA
တင်ႈတေႇဢဝ်ၼႂ်းလိူၼ်တီႇၸိမ်ႇပႃႇ 21 ဝၼ်း ပီႊ 2020 ၼီႊ တေႃႇထိုင် ၼႂ်းလိူၼ်ၸၼ်ႇဝႃႇရီႇ 19 ဝၼ်း ပီႊ 2021 ၼီႊၼႆႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA)လႆႈ ၵေႃႇသၢင်ႈပူၵ်းပွင်ပၢႆးၵၢၼ်သႃႇသၼႃႇ ႁဵတ်းၵျွင်းမုၼ်ၸဝ်ႈလင်မႂ်ႇ တီႈဝၢၼ်ႈပၢင်ႁုင်း ဢိူင်ႇၼမ်ႉ ဢုၼ်ႇ၊ ၸေႈဝဵင်းမၢႆ(7)၊ ၼႃႈတီႈဢုပ်ႉပိူင်ႇ တပ်ႉငဝ်ႈသိုၵ်း(918)ၵႂႃႇယူႇ။
တီႈၵၢၼ်ၵေႃႇသၢင်ႈ ၵျွင်းမုၼ်ၸဝ်ႈၼၼ်ႉ လုင်းလွႆလူႇ လႆႈဢဝ်ပုၼ်ႈၽွၼ်း ဢွၼ်ႁူဝ်ၸုမ်းမေႃမိုဝ်း ႁႅင်းၵူၼ်း(8)ၵေႃႉသေ လႆႈၸႂ်ႉတိုဝ်းၵႂႃႇသၢႆး(3)ၵိၼ်း၊ လိၼ်ပုၼ်(40)ထူင်၊ လဵၵ်းမုင်း 7 ထတ်း(400) ၶႅပ်း ယူႇ။
ၵျွင်းမုၼ်ၸဝ်ႈဝၢၼ်ႈပၢင်ႁုင်းၼႆႉ ႁူဝ်ၼပ်ႉသင်ႇၶႃႇၸဝ်ႈမီး(10)ပႃး၊ ၼႃႈယၢဝ်းၵျွင်းလင်မႂ်ႇၼႆႉ မီး (94)ထတ်း၊ ၼႃႈပွတ်းမီး(36)ထတ်း၊ တၢင်းသုင်ၶေႃးႁိမ်းမီး(20)ထတ်း၊ တၢင်းသုင်ၸွမ်ၵျွင်းမီး(31) ထတ်း၊ ႁူးလႅင်းမၢၼ်ႇမီး(6)ႁူးသေ ၶဝ်ႈပဵၼ်ၵျွင်းမုၼ်ၸဝ်ႈ ဢၼ်သိူဝ်ႇပႅၼ်ႈ ၵင်ႈပႅၼ်ႈ မုင်းႁဵၵ်ႇ လင်ၼိုင်ႈယူႇ။
