January 13,1,2021
By – SSPP/SSA
ၼႂ်းလိူၼ်တီႇၸိမ်ႇပႃႇ 21 ဝၼ်း ပီႊ 2020 ၼီႊ တေႃႇထိုင် ၼႂ်းလိူၼ်ၸၼ်ႇဝႃႇရီႇ 7 ဝၼ်း ပီႊ 2021 ၼီႊၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) လႆႈၵေႃႇသၢင်ႈထမ်ႇ မႃႇရူင်ႇ တီႈႁိမ်းၵွင်းမူးထၢတ်ႈ သပ်ႉပိင်ႇၺုၸုမ်ႈမိူင်း ၼိူဝ်သၼ်လွႆလၢၼ်း ဢိူင်ႇၼႃးၶႃႇ၊ ၸေႈဝဵင်း မၢႆ(7)၊ တူင်ႇဝဵင်းတၢင်ႉယၢၼ်းၵႂႃႇယူႇ။
တီႈၵၢၼ်ၵေႃႇသၢင်ႈ ထမ်ႇမႃႇရူင်ႇၼၼ်ႉ ၸဝ်ႈသိုၵ်း ၸၼ်ၶိူဝ်း လႆႈဢဝ်ပုၼ်ႈၽွၼ်း ဢွၼ်ႁူဝ်ၸုမ်း မေႃမိုဝ်း ဝၢၼ်ႈၼွင်ၽႃ ၸေႈဝဵင်းတၢင်ႉယၢၼ်း ႁူမ်ႈႁႅင်းၵူၼ်း(38)ၵေႃႉသေ ၵေႃႇသၢင်ႈမႃးယူႇ။
ထမ်ႇမႃႇရူင်ႇ ၼိူဝ်သၼ်လွႆလၢၼ်းၼႆႉ ၼႃႈယၢဝ်းမီး(62)ထတ်း၊ ၼႃႈပွတ်းမီး(29)ထတ်း၊ တၢင်းသုင် ႁိမ်းမီး(8)ထတ်းၶိုင်ႈ၊ တၢင်းသုင်ၸွမ်မီး(20)ထတ်း၊ ႁူးလႅင်း(16)ႁူး၊ ၽၵ်းတူလူင်(1)ႁူး၊ ႁူးလႅင်း မၢၼ်ႇ တီႈၽုင်ႇၵၢင်(6)ၶႅပ်းသေ လႆႈၸႂ်ႉတိုဝ်းလဵၵ်းမုင်း 9 ထတ်း(80)ၶႅပ်း၊ လဵၵ်းမုင်း 11 ထတ်း (80) ၶႅပ်း၊ လိၼ်ပုၼ်(50)ထူင်၊ သၢႆး(4)ၵိၼ်း ယူႇယဝ်ႉ။
