09-12-2020
ၶၢဝ်-SSPPInfo
သၢႆသိုၵ်း RCSS ၶဝ်သူင်ႇႁႅင်းသိုၵ်းၶိုၼ်ႈၸူးၽၢႆႇ ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆးလႄႈ သွင်ၽၢႆႇလႆႈပဵၼ် ပၢင်တိုၵ်းၵၼ် ၼႂ်းဢိူင်ႇဝၢၼ်ႈၸၢမ် ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။
မိူဝ်ႈဝၼ်းထီႉ 09-12-2020 ၼၼ်ႉ သၢႆသိုၵ်းတူင်ႉၼိုင် ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး တူင်ႉၼိုင်ၵူတ်ႇ ထတ်းၼႃႈတီႈ ၼႂ်းဢိူင်ႇဝၢၼ်ႈၸၢမ် ၸေႈဝဵင်းၼမ်ႉတူႈ မိူဝ်ႈၽွင်းသၢႆသိုၵ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်း ၸိုင်ႈ တႆးတေၵႂႃႇတီႈဝၢၼ်ႈၼႃးၵႄးၼၼ်ႉ လႆႈပွင်ႇၶၢဝ်ႇပၼ်တီႈ တပ်ႉသိုၵ်း RCSS ဢွၼ်တၢင်းသေ ၽိူဝ်ႇထိုင်သၢႆသိုၵ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး ႁွတ်ႈၽႅဝ်တီႈ ဝတ်ႉၵျွင်းၼႃးၵႄးၼၼ်ႉ ၽၢႆႇတပ်ႉသိုၵ်း RCSS ၶိုၼ်ႈၸူး သၢႆသိုၵ်းပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆးဢွၼ်တၢင်းလႄႈ သွင်ၽၢႆႇလႆႈပဵၼ်ပၢင်တိုၵ်းၵၼ် တေႃႇထိုင်မိူဝ်ႈ လဵဝ်သဵင်ႈ ၵွင်ႈသဵင်မၢၵ်ႇတိုၵ်ႉပၼ်းဝႆႉယူႇၼႆယဝ်ႉ။
