ဝၼ်းထီႉ-03-12-2020
ၶၢဝ်ႇ- SSPP Info
မိူဝ်ႈဝၼ်းထီႉ 01-12-2020 ၼၼ်ႉ ၵေႃႉသိုၵ်းၵေႃႉႁၢၼ် ၼႂ်းတပ်ႉႁူမ်ႇလူမ်ႈၸေႈဝဵင်း မၢႆ(1) ႁႅင်းၵူၼ်း (6) ၵေႃႉ ၸွႆႈထႅမ် ၵူၼ်းမိူင်းပေႃႉၶဝ်ႈၼႃး ၸိုဝ်ႈၸဝ်ႈၼႃး လုင်းၵွၼ်း လႄႈ ပႃႈၼၢင်း ယူႇဝၢၼ်ႈၵုၼ်ႁုင်း ဢိူင်ႇၼွင်ၶမ်း ၸေႈဝဵင်းတၢင်ႉ ယၢၼ်းၼႆယူႇ။
မိူဝ်ႈဝၼ်းထီႉ 02-12-2020 ၼၼ်ႉၵေႃႈ ၵေႃႉသိုၵ်းၵေႃႉႁၢၼ် ဢၼ်ပဵၼ်သိုၵ်းၵူၼ်းမိူင်း ၼႂ်းၸေႈဝဵင်းမၢႆ (8) ႁူမ်ႈႁႅင်း ၵူၼ်း (3) ၵေႃႉ လႆႈၵႂႃႇၸွႆႈထႅမ် ပၢတ်ႇၶဝ်ႈႁႆႈပၼ် လုင်းလူး လႄႈ ပႃႈသူၺ်ႇ ဢၼ်ယူႇဝၢၼ်ႈၵုင်းႁၢတ်ႇ ဢိူင်ႇပုင်ႇလႅၼ်း ၸေႈ ဝဵင်းသီႇပေႃႉ ၼႆယူႇ။ၼႂ်းဝၼ်းထီႉ 02-12-2020 ၼႆႉၵူၺ်းၼင်ႇၵဝ်ႇ ၵေႃႉသိုၵ်းၵေႃႉႁၢၼ် ၽၢႆႇပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး ဢၼ်တူင်ႉၼိုင် ၼႂ်းဢိူင်ႇတူၼ်ႈၵႅင်းၼၼ်ႉၵေႃႉႁူမ်ႈႁႅင်းၵူၼ်း (4) ၵေႃႉသေ လႆႈၵႂႃႇၸွႆႈထႅမ် လုင်းသႃႇ လႄႈ ပႃႈယဵၼ်ႇ ၶဝ် ပုမ်ႇၶဝ်ႈ တီႈဝၢၼ်ႈၼႃးၽႅမ်း ဢိူင်ႇတူၼ်ႈၵႅင်း တူင်ႇဝဵင်းသီႇပေႃႉၼႆယူႇယဝ်ႉ။
