ၶၢဝ်ႇ – SSPP Info
ဝၼ်းထီႉ -21.12.2020
ၼႂ်းဝၼ်းထီႉ 21.12.2020 ၼႆႉ သိုၵ်းၽၢႆႇဢုပ်ႉပိူင်ႇ ဢၼ်တူၵ်းပုၼ်ႈၽွၼ်း ၼႂ်းၸေႈဝဵင်းမၢႆ(1)တၢင်ႉယၢၼ်း ၸွႆႈတီႇၽဵဝ်ႈၶုတ်းတၢင်းပၼ် ပေႃႈမႄႈၵူၼ်းမိူင်း ၵႂႃႇမႃးပႆ ၼႂ်းဢိူင်ႇၼႃးလဝ်း တူင်ႇဝဵင်းတၢင်ႉယၢၼ်း ယူႇ ယဝ်ႉ။
ၼႂ်းၵၢၼ်ၸွႆႈထႅမ်ပေႃႈမႄႈၵူၼ်းမိူင်းၼၼ်ႉ ၸၢႆးလႅင် ၽူႈၵွၼ်းတပ်ႉၵွင်ႁူမ်ႇလူမ်ႈၸေႈဝဵင်းဢွၼ်ႁူဝ်ႁႅင်း ၵူၼ်းသိုၵ်း(10)ၵေႃႉ ႁူမ်ႈပႃးပေႃႈမႄႈၵူၼ်းမိူင်း ၼႂ်းဢိူင်ႇၼႃးလဝ်းသေ တေႇၶုတ်းတီႈလွႆၽၢၼ်းတၢင်ႇ တေႃႇ ထိုင်တီႈလွႆၽုၺ်းယူႇ။
