December 18,2020
By – SSPP/SSA
ၼႂ်းလိူၼ်ၼူဝ်ႇဝႅမ်ႇပႃႇ 12 ဝၼ်း တေႃႇထိုင် လိူၼ်တီႇၸိမ်ႇပႃႇ 15 ဝၼ်း ပီႊ 2020 ၼီႊၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) လႆႈၵေႃႇသၢင်ႈၶူဝ်ႁိၼ်လႄႈ ၶူဝ် မႆႉပၼ်ပေႃႈမႄႈၵူၼ်းမိူင်း ဝၢၼ်ႈႁူဝ်ၸႅင်လႄႈ ဝၢၼ်ႈၵွင်းၵၢတ်ႇ၊ ၸုမ်း(2)၊ ဢိူင်ႇၼႃးၶႃႇ၊ ၸေႈဝဵင်း မၢႆ(7)၊ တူင်ႇဝဵင်းတၢင်ႉယၢၼ်း ၵႂႃႇယူႇ။
တီႈၵၢၼ်ၵေႃႇသၢင်ႈၶူဝ်ႁိၼ်ၼၼ်ႉ လႆႈၸႂ်ႉတိုဝ်းႁႅင်းၵႃးၸၢၵ်ႈပႅၵ်ႉၽူဝ်း(1)လမ်း၊ လိၼ်ပုၼ် (Cement) 949 ထူင်၊ မၢၵ်ႇႁိၼ်(117)ၵိၼ်း၊ သၢႆး(101) ၵိၼ်း၊ ၼမ်ႉမၼ်းတီႇၸေႇ(9)ထၢင်၊ ယၢမ်းတႃႇ ပွႆႇမၢၵ်ႇႁိၼ်(2)တိူၵ်ႈလႄႈ သၢင်ႉငိုၼ်းသဵင်ႈ(26,499,050)ၵျၢပ်ႈသေ တၢင်းယၢဝ်းၶူဝ်မီး(22)ထတ်း၊ တၢင်းသုင်ၶူဝ်မီး(8)ထတ်း၊ တၢင်းၵႂၢင်ႈၶူဝ်မီး(18)ထတ်း၊ တၢင်းသုင်ၽၢႆႁိၼ် ဢၼ်ဢုမ်ႈႁွပ်ႇၶူဝ်မီး (24) ထတ်း၊ တၢင်းယၢဝ်းၽၢႆႁိၼ် ဢၼ်ဢုမ်ႈႁွပ်ႇၶူဝ်မီး(51)ထတ်း၊ တၢင်းၵႂၢင်ႈပိုၼ်ႉၽၢႆႇႁိၼ် ဢၼ် ဢုမ်ႈႁွပ်ႇၶူဝ်မီး(18)ထတ်း ယူႇ။
တႃႇတေၵေႃႈသၢင်ႈပၼ်မႃးၶူဝ်ႁိၼ်လႄႈ ၶူဝ်မႆႉ တီႈဝၢၼ်ႈႁူဝ်ၸႅင်လႄႈ ဝၢၼ်ႈၵွင်းၵၢတ်ႇၼႆႉ ငဝ်ႈ ငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) လႆႈၽိတ်ႈႁွင်ႉဢဝ် ၸုမ်းမေႃမိုဝ်း ဢၼ်လုင်းမႁႃႇဢိၼ်းဢွၼ်ႁူဝ် ႁႅင်းၵူၼ်းမွၵ်ႈ(21)ၵေႃႉၼၼ်ႉသေ ၵေႃႇသၢင်ႈၵႂႃႇယူႇ။
