December 12,2020
By – SSPP/SSA
ၼႂ်းလိူၼ်ၼူဝ်ႇဝႅမ်ႇပႃႇ 30 ဝၼ်း ပီႊ 2020 ၼီႊ တေႃႇထိုင် လိူၼ်တီႇၸိမ်ႇပႃႇ 8 ဝၼ်း ပီႊ 2020 ၼီႊၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) လႆႈၵေႃႇသၢင်ႈပၼ်သဵၼ်ႈတၢင်း တႃႇၵပ်း သိုပ်ႇၸူး ဝၢၼ်ႈၶမ်းပူင်း၊ ဝၢၼ်ႈၼမ်ႉပေႃႉ၊ ဝၢၼ်ႈၼမ်ႉၶမ်း၊ ဝၢၼ်ႈၼမ်ႉၶႃ ၊ ဢိူင်ႇၼမ်ႉဢုၼ်ႇ၊ ၸေႈဝဵင်းမၢႆ(7)၊ ၼႃႈတီႈဢုပ်ႉပိူင်ႇ တပ်ႉငဝ်ႈသိုၵ်း(918)၊ တူင်ႇဝဵင်းတၢင်ႉယၢၼ်း ၵႂႃႇယူႇ။
ၼႂ်းၶၵ်ႉၵၢၼ်ၵေႃႇသၢင်ႈသဵၼ်ႈတၢင်းတိတ်းတေႃႇၵပ်းသိုပ်ႇၸူး ဝၢၼ်ႈၶမ်းပူင်း၊ ဝၢၼ်ႈၼမ်ႉပေႃႉ၊ ဝၢၼ်ႈၼမ်ႉၶမ်း၊ ဝၢၼ်ႈၼမ်ႉဢုၼ်ႇၼၼ်ႉ လႆႈၸႂ်ႉတိုဝ်းၵႃးၸၢၵ်ႈဝီးလူဝ်ႊတႃႊ(Wheel Loader) 1 လမ်း၊ ၵႃးၸၢၵ်ႈၵိူင်လိၼ်(1)လမ်းသေ တၢင်းၵႆသဵၼ်ႈတၢင်းၼႆႉ မီးမွၵ်ႈ(15)လၵ်းယူႇ။ ၼႂ်းဝၢၼ်ႈ ၼမ်ႉၶႃ၊ ဝၢၼ်ႈၶမ်းပူင်းၼႆႉ မီးဝႆႉၸၢဝ်းၶိူဝ်းတႆး၊ ၸၢဝ်းၶိူဝ်းလႃးႁူႇ၊ ၸၢဝ်းၶိူဝ်းၸွၼ်း ယူႇႁူမ်ႈၵိုၵ်း ၵၼ်မႃး ပီႊယၢဝ်းၶၢဝ်းႁိုင် ၼပ်ႉတေႃႇထိုင်ဝၼ်းၶၢဝ်းမိူဝ်ႈလဵဝ်ယူႇ။
ၼင်ႇႁိုဝ်ပေႃႈမႄႈၵူၼ်းမိူင်းၸိူဝ်ႉၸၢတ်ႈၸၢဝ်းၶိူဝ်း ဢၼ်ယူႇထင်သဝ်း ၼႂ်းဝၢၼ်ႈၼွၵ်ႈၸွၵ်ႉထိူၼ်ႇ လႄႈ ၼႂ်းဝဵင်းပေႃးတေမီးလွင်ႈ ၵပ်းသိုပ်ႇၶဝ်ႈဢွၵ်ႇၵၼ်လႆႈ၊ ၼင်ႇႁိုဝ်ၽဝၸၼ်ႉယူႇၵိၼ်သဝ်း ပေႃႈ မႄႈၵူၼ်းမိူင်း ပေႃးတေၶိုၼ်ႈယႂ်ႇမႂ်ႇသုင်ၼၼ်ႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်း ၸိုင်ႈတႆး(SSPP/SSA) ၸင်ႇလႆႈၵေႃႇသၢင်ႈပၼ် သဵၼ်ႈတၢင်းၵပ်းသိုပ်းတိတ်းတေႃႇၸူးဝၢၼ်ႈ တေႃႇ ဝၢၼ်ႈၵႂႃႇယူႇ။
