November 27,2020
By – SSPP/SSA
ၼႂ်းလိူၼ်ၼူဝ်ႇဝႅမ်ႇပႃႇ 25 ဝၼ်း ပီႊ 2020 ၼီႈ ၶၢဝ်းယၢမ်းၵၢင်ၼႂ် 7:00 မူင်းၼၼ်ႉ တပ်ႉၵွင်(162) ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) ႁူမ်ႈႁႅင်းၵူၼ်း(11)ၵေႃႉ လႆႈၸွႆႈထႅမ် ၵၢၼ်ႉၶဝ်ႈၵၢပ်ႇပၼ် ပႃႈမူၼ်း ယူႇဝၢၼ်ႈၼႃးၵႅင်း၊ ၸုမ်း(2)၊ ဢိူင်ႇတူၼ်ႈၵႅင်း၊ ၸေႈဝဵင်းမၢႆ(10)၊ တူင်ႇ ဝဵင်းသီႇပေႃႉ ၵႂႃႇယူႇ။
မိူဝ်ႈၶၢဝ်းယၢမ်းၵၢင်ၼႂ် 8:30 မူင်းၼၼ်ႉၵေႃႈ တပ်ႉႁူမ်ႇလူမ်ႈ ၸေႈဝဵင်းမၢႆ(10) ႁူမ်ႈႁႅင်းၵူၼ်း(3)ၵေႃႉ လႆႈၸွႆႈထႅမ်ၵၢၼ်ႉၶဝ်ႈၵၢပ်ႇပၼ် လုင်းသေႃးသူၺ်ႇလႄႈ ပႃႈမျႃႉၸိင်ႇ ယူႇဝၢၼ်ႈၽႃႇၽိုင်ႈ၊ ၸုမ်း(1)၊ ဢိူင်ႇတူၼ်ႈၵႅင်း ၵႂႃႇထႅင်ႈယူႇ။
ၼႂ်းလိူၼ်ၼူဝ်ႇဝႅမ်ႇပႃႇ 25 ဝၼ်း ပီႊ 2020 ၼီႊ ၶၢဝ်းယၢမ်းၵၢင်ၼႂ် 7:00 မူင်း တေႃႇထိုင် ၶၢဝ်းယၢမ်း 10:00 မူင်းၼၼ်ႉၵေႃႈ သၢႆသိုၵ်းတူင်ႉၼိုင် ၼႂ်းတပ်ႉၵွင် (162) ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်း ၸိုင်ႈတႆး(SSPP/SSA) ႁူမ်ႈႁႅင်းၵူၼ်း(12)ၵေႃႉ လႆႈၸွႆႈထႅမ် ဢိတ်ႇၶဝ်ႈၵၢပ်ႇပၼ် ပူႇၵျွင်းသူႉလႄႈ ပႃႈၵျွင်းသေး ဢိၵ်ႇတင်း လုင်းၵျေႃႇလႄႈ ပႃႈၵွင်းယူႇယဝ်ႉ။ လိူဝ်ၼၼ်ႉ လႆႈၸွႆႈထႅမ်တၢၵ်ႇၶဝ်ႈၵၢပ်ႇ ပၼ် ပႃႈသူၺ်ႇ ယူႇဝၢၼ်ႈၶူဝ်ႉၶႃႉ၊ ၸုမ်း(2)၊ ဢိူင်ႇတူၼ်ႈၵႅင်း၊ ၸေႈဝဵင်းမၢႆ(10)၊ တူင်ႇဝဵင်းသီႇပေႃႉ ၵႂႃႇ ယူႇ။
