October 7, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 6 ဝၼ်း ပီႊ 2020 ၼီႊ ယၢမ်း 9:00 မူင်းၵၢင်ၼႂ် ၽၢႆႇႁူမ်ႇလူမ်ႈၸေႈဝဵင်းမၢႆ (10)လႄႈ ၵေႃႉသိုၵ်းၵေႃႉႁၢၼ် ၼႂ်းတပ်ႉၵွင်(357) ဢဵၼ်ႁႅင်း(10)ၵေႃႉ ဢၼ်ၵႅမ်ၶုၼ်ႁၢၼ်/ပၼ်ႇတီႇ ဢွၼ်ႁူဝ်ၼၼ်ႉ လႆႈၸွႆႈထႅမ်ပၢတ်ႇၶဝ်ႈပၼ် မုင်ႉႁေႃႁိူၼ်းလုင်းမူးပၢင်ႇလႄႈ ပႃႈယူႉ တီႈယူႇဝၢၼ်ႈ ၼမ်ႉမွၼ်း ၸုမ်း(2) ဢိူင်ႇတူၼ်ႈၵႅင်း ၸေႈဝဵင်းမၢႆ(25) ၵႂႃႇယူႇ။
ၵၢၼ်သွမ်ႈၼႃး ၽုၵ်ႈၶဝ်ႈႁႆႈလႄႈ ၵၢၼ်ပၢတ်ႇၶဝ်ႈ၊ ပေႃႉၶဝ်ႈ၊ ၽတ်ႉၶဝ်ႈ ၸွႆႈထႅမ်ပေႃႈမႄႈၵူၼ်းမိူင်း ၼႆႉ ပဵၼ်ပုၼ်ႈၽွၼ်းၵေႃႉသိုၵ်းၵေႃႉႁၢၼ် ၼႂ်းၽၢႆႇဢုပ်ႉပိူင်ႇ၊ ၽၢႆႇတပ်ႉ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) တေလႆႈလူလွမ်ပွင်သၢင်ႈၸွႆႈထႅမ်ပေႃႈမႄႈၵူၼ်းမိူင်းၵႂႃႇယူႇ။
