October 28, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 27 ဝၼ်း ပီႊ 2020 ၼီႊ ၶၢဝ်းယၢမ်းၵၢင်ၼႂ် 9:30 မူင်း တေႃႇထိုင် ၶၢဝ်းယၢမ်း ဝၢႆးဝၼ်း 4:30 မူင်းၼၼ်ႉ ၽၢႆႇဢုပ်ႉပိူင်ႇ၊ ၽၢႆႇတပ်ႉလႄႈ သိုၵ်းၵူၼ်းမိူင်း ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA) ႁူမ်ႈႁႅင်းၵူၼ်း(8)ၵေႃႉ လႆႈၸွႆႈထႅမ်ပၢတ်ႇၶဝ်ႈပၼ် လုင်းဢွင်ႇ လႄႈ ပႃႈသႅင်လူႇ ယူႇဝၢၼ်ႈၵွင်းၶၢမ်၊ ၸုမ်း(2)၊ ဢိူင်ႇမိူင်းတဵမ်၊ ၸေႈဝဵင်းမၢႆ(29)၊ ၸေႈတွၼ်ႈမၢႆ(10) တူင်ႇဝဵင်း လႃႈသဵဝ်ႈ ၵႂႃႇယူႇ။
မိူဝ်ႈယၢမ်းၵၢင်ၼႂ် 10:45 မူင်း တေႃႇထိုင် ယၢမ်းဝၢႆးဝၼ်း 4:45 မူင်းၼၼ်ႉၵေႃႈ တပ်ႉႁူမ်ႈလူမ်ႈၸေႈ တွၼ်ႈမၢႆ(10)လႄႈ တပ်ႉႁူမ်ႇလူမ်ႈၸေႈဝဵင်းမၢႆ(29) ႁူမ်ႈႁႅင်းၵူၼ်း(6)ၵေႃႉ လႆႈၸွႆႈထႅမ်ပုမ်ႇၶဝ်ႈပၼ် လုင်းသႃႇဢွင်ႇလႄႈ ပႃႈလဵၵ်ႉ ယူႇဝၢၼ်ႈၵွင်းၶၢမ်၊ ၸုမ်း(2)၊ ဢိူင်ႇမိူင်းတဵမ်၊ ၸေႈဝဵင်းမၢႆ(29)၊ ၸေႈ တွၼ်ႈမၢႆ(10) ၵႂႃႇထႅင်ႈယူႇ။
ၼႂ်းလိူၼ်ဢွၵ်ႇတူဝ်ႇပႃႇ 27 ဝၼ်း ပီႊ 2020 ၼီႊ ၶၢဝ်းယၢမ်းၵၢင်ၼႂ် 10:00 မူင်း တေႃႇထိုင် ၶၢဝ်းယၢမ်း ဝၢႆးဝၼ်း 5:00 မူင်းၼၼ်ႉၵေႃႈ ၵေႃႉသိုၵ်းၼႂ်းတပ်ႉႁူမ်ႇလူမ်ႈ ၵႅမ်တပ်ႉၸုမ်းမၢႆ(153) ပႃႇတီႇမႂ်ႇသုင် ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/SSA)ႁူမ်ႈႁႅင်းၵူၼ်း (5)ၵေႃႉ လႆႈၸွႆႈထႅမ် ပုမ်ႇၶဝ်ႈပၼ်ပူႇ တၢၼ်းလႄႈ ပႃႈယဵင်း ယူႇဝၢၼ်ႈၼႃႈၵႃႈၸၢၼ်း၊ ထုင်ႉၼမ်ႉပွင်ႈ၊ တူင်ႇဝဵင်းလႃႈသဵဝ်ႈ ၵႂႃႇယူႇ။
