October 17, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 16 ဝၼ်း ပီႊ 2020 ၼီႊ ၶၢဝ်းယၢမ်းၵၢင်ၼႂ် 8:30 မူင်း တေႃႇထိုင် ၶၢဝ်းယၢမ်း ၵၢင်ၼႂ် 9:00 မူင်းၼၼ်ႉ မေႃသွၼ်ၵူၼ်းၼုမ်ႇငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်ၸိုင်ႈတႆး (SSPP/SSA)လႄႈ ၵေႃႇမတီႇၸေႈဝဵင်းမၢႆ(10) ဢိၵ်ႇတင်းတပ်ႉၵွင်(357) လႆႈပိုတ်ႇၽုၺ်ႇပၢင်သွၼ် ပၼ်ပိုၼ်ႉႁူႉ ၵဵဝ်ႇတၢင်းပဵၼ် COVID-19 ၼႂ်းဢိူင်ႇၼႃးၼိဝ်ႉ၊ ဢိူင်ႇတူၼ်ႈၵႅင်း၊ ဢိူင်ႇၼွင်မွၼ်၊ ဢိူင်ႇမႄႈႁၢၼ်ႇ၊ ဢိူင်ႇႁၢင်ၼႃး ၸေႈဝဵင်းမၢႆ(10)ၼမ်ႉမႃႉ ၵႂႃႇယူႇ။
ၼႂ်းပၢင်သွၼ်ပၼ်ပိုၼ်ႉႁူႉ ၵဵဝ်ႇတၢင်းပဵၼ် COVID-19 ၼၼ်ႉ ၵေႃႇမတီႇၸေႈဝဵင်းမၢႆ(10)လႄႈ ၸုမ်းထႆႇႁၢင်ႈမၢႆတွင်း၊ ၽူႈၵွၼ်းတပ်ႉၵွင်(357)၊ မေႃယႃၼႂ်းတပ်ႉႁူမ်ႇလူမ်ႈၸေႈဝဵင်းမၢႆ(10)၊ မေႃယႃ ၸၢႆးယိင်းငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး (SSPP/ SSA)၊ ပေႃႈမႄႈၵူၼ်းမိူင်း ၸၢႆး/ယိင်း ၼႂ်း(6)ဢိူင်ႇ ဢိၵ်ႇတင်းၸုမ်းႁူမ်ႇလူမ်ႈ ႁူမ်ႈသဵင်ႈၽူႈၶိုၼ်ႈႁွတ်ႈမီး(327)ၵေႃႉ ၼႆယဝ်ႉ။
