October 15, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 14 ဝၼ်း ပီႊ 2020 ၼီႊ ၶၢဝ်းယၢမ်းဝၢႆးဝၼ်း 4:30 မူင်းၼၼ်ႉ တပ်ႉႁူမ်ႇလူမ်ႈ ၸေႈဝဵင်းမၢႆ(10)လႄႈ တပ်ႉၵွင်(357) ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး (SSPP/ SSA) ႁူမ်ႈႁႅင်းၵူၼ်း(5)ၵေႃႉ လႆႈၸွႆႈၵူႈၶဝ်ႈၵၢပ်ႇလႄႈ တေႃႉၶဝ်ႈၵၢပ်ႇပၼ် လုင်းတိၼ်ႇလႄႈ ၼၢင်းတၢၼ်း ယူႇဝၢၼ်ႈၵွင်းႁုင်း(ၶူဝ်ႉၶႃႉ) ၸုမ်း(2) ဢိူင်ႇတူၼ်ႈၵႅင်း ၸေႈဝဵင်းမၢႆ(10)ၼမ်ႉမ တူင်ႇဝဵင်းသီႇ ပေႃႉ ၵႂႃႇယူႇ။
ၵၢၼ်ၸွႆႈထႅမ်ပေႃႈမႄႈၵူၼ်းမိူင်းၼႆႉ ပဵၼ်ၵၢၼ်လူင် ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး (SSPP/ SSA) တေလႆႈဝႆႉပဵၼ်ပိူင်ယႂ်ႇသေ ႁဵတ်းသၢင်ႈၵႂႃႇ ပဵၼ်ၶၵ်ႉပဵၼ်တွၼ်ႈ ၸွမ်းၼင်ႇၶိင်ႇၶၢဝ်း ရႃႇၸီႇၾိင်ႈၾႃႉ ၽၢၼ်ႇပၼ်မီးမႃးၼၼ်ႉယူႇယဝ်ႉ။
