October 12, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 11 ဝၼ်း ပီႊ 2020 ၼီႊၼၼ်ႉ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး (SSPP/ SSA) လႆႈတဵင်တႅၼ်ႈ ႁဵတ်းယွင်ၼမ်ႉပၼ် ပေႃႈမႄႈၵူၼ်းမိူင်း ဝၢၼ်ႈမႅၵ်ႉမႄး ထုင်ႉပၢင်ႇ ၼမ်ႉႁူးယၢင်း ဢိူင်ႇၼမ်ႉလပ်ႉ ၸေႈဝဵင်းမၢႆ(7) မိူင်းၵၢဝ်လူင် တူင်ႇဝဵင်းတၢင်ႉယၢၼ်းၵႂႃႇယူႇ။
တၢင်းသုင် ၽၢႆတႅၼ်ႈမီး(7)ထတ်း၊ ၼႃႈယၢဝ်းၽၢႆႇႁွင်ႇမီး(144)ထတ်း၊ ၼႃႈယၢဝ်းၽၢႆႇၸၢၼ်းမီး(120) ထတ်း၊ ၼႃႈပွတ်းၽၢႆႇတူၵ်းမီး(114)ထတ်း၊ ၼႃႈပွတ်းၽၢႆႇဢွၵ်ႇမီး(48)ထတ်း၊ တၢင်းၼႃတႅၼ်ႈမီး(4) ထတ်းသေ ထူင်သႂ်ႇလိၼ် ဢၼ်လႆႈၸႂ်ႉသဵင်ႈၵႂႃႇမီးမွၵ်ႈ(5000)ထူင် ၼႆယူႇ။
တီႈၵၢၼ်တဵင်တႅၼ်ႈ ႁဵတ်းယွင်ၼမ်ႉ တီႈထုင်ႉပၢင်ႇၼမ်ႉႁူးယၢင်းၼၼ်ႉ လႆႈၶွၼ်ႈတုမ်ဢဵၼ်ႁႅင်း မေႃမိုဝ်း(51)ၵေႃႉသေ ၶုတ်းလိၼ်သႂ်ႇၼႂ်းထူင် ၶပ်ႉတဵင်တႅၼ်ႈႁဵတ်းပဵၼ်ယွင်ၶင်ၼမ်ႉၵႂႃႇယူႇ။
