October 8, 2020
By – SSPP/ SSA
ၼႂ်းလိူၼ်ဢွၵ်ႇတူဝ်ႇပႃႇ 2 ဝၼ်း ပီႊ 2020 ၼီႊၼၼ်ႉ ႁွင်ႈၵၢၼ်ၽၢႆႇၵေႃႇသၢင်ႈတွၼ်ႈလိၼ်ၶိုၼ်ႈယႂ်ႇ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈတေႃႉတၢင်ႇလိၼ်လႄႈ သၢႆး ႁဵတ်းပဵၼ်ၽၢႆတႅၼ်ႈ သိူဝ်ႇသဵၼ်ႈတၢင်းပၼ် ပေႃႈမႄႈၵူၼ်းမိူင်းဝၢၼ်ႈၼမ်ႉၸႅင် ဢိူင်ႇၼႃးၶႃႇ ၸေႈ ဝဵင်းမၢႆ(7) တူင်ႇဝဵင်းတၢင်ႉယၢၼ်းၵႂႃႇယူႇ။
တီႈၵၢၼ်ၵေႃႇသၢင်ႈၽၢႆတႅၼ်ႈ သိူဝ်ႇသဵၼ်ႈတၢင်းပၼ် ပေႃႈမႄႈၵူၼ်းမိူင်းဝၢၼ်ႈၼမ်ႉၸႅင်ၼၼ်ႉ လႆႈ ၸႂ်ႉတိုဝ်း ႁႅင်းၵႃးၸၢၵ်ႈၶုၵ်းလိၼ်လႄႈ သၢႆး Wheel Loader (2) လမ်း၊ ၵႃးတူင်ႈၽူင်ႊ တေႃႉတၢင်ႇ သၢႆး(8)လမ်း၊ သၢႆးဢၼ်လႆႈၸႂ်ႉသဵင်ႈၵႂႃႇ(226)လမ်းၼႆယူႇ။
ၼႂ်းၶၵ်ႉတွၼ်ႈလၢႆးၵၢၼ်ၵေႃႇသၢင်ႈၽၢႆတႅၼ်ႈၼၼ်ႉ လႆႈတေႃႉလိၼ်သိူဝ်ႇပိုၼ်ႉၽၢႆသေ ၶိုၼ်းတေႃႉ တၢင်ႇသၢႆး သိူဝ်ႇသွၼ်ႉၽၢႆႇၼိူဝ် ႁဵတ်းပဵၼ်သဵၼ်ႈတၢင်း လိူၼ်ႈၵႂႃႇၼိူဝ်ၽၢႆတႅၼ်ႈ ၼႆယူႇ။ တၢင်းသုင် ၽၢႆတႅၼ်ႈၼၼ်ႉ မီး(4)ထတ်း၊ ၼႃႈယၢဝ်းမီး(189)ထတ်းသေ ၼႃႈပွတ်းမီး(18)ထတ်း ၼႆယူႇ။
ၽူႈမီးပုၼ်ႈၽွၼ်း ၼႂ်းႁွင်ႈၵၢၼ်ၽၢႆႇၵေႃႇသၢင်ႈတွၼ်ႈလိၼ်ၶိုၼ်ႈယႂ်ႇ ငဝ်ႈငုၼ်းပႃႇတီႇမႂ်ႇသုင်ၸိုင်ႈ တႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈၸႂ်ႉတိုဝ်းၶၢဝ်းယၢမ်း(2)ဝၼ်း တေႇၼႂ်းလိူၼ်ဢွၵ်ႇတူဝ်ႇ ပႃႇ 2 ဝၼ်း တေႃႇထိုင် လိူၼ်ဢွၵ်ႇတူဝ်ႇပႃႇ 3 ဝၼ်းသေ ၵေႃႇသၢင်ႈႁဵတ်းၽၢႆတႅၼ်ႈ သိူဝ်ႇသဵၼ်ႈ တၢင်းပၼ် ပေႃႈမႄႈၵူၼ်းမိူင်း ဝၢၼ်ႈၼမ်ႉၸႅင် ယဝ်ႉတူဝ်ႈၵႂႃႇလီငၢမ်း ၼႆယူႇ။
