ၶၢဝ်ႇ-SSPP info
June 4, 2020
ၵူၼ်းသိုၵ်းၽၢႆႇဢုပ်ႉပိူင်ႇ ႁူမ်ႇလူမ်ႈၸေႈဝဵင်းမၢႆ(30) ၸွႆႈထႅမ်ပေႃႈမႄႈၵူၼ်းမိူင်း ၽုၵ်ႇၶဝ်ႈၵၢပ်ႇ တီႈ ဝၢၼ်ႈၶွၵ်ႈၵႂၢႆး ၸေႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။
ဝၼ်းထီႉ 3.6.2020 ယၢမ်း 8 မူင်းၵၢင်ၼႂ်တေႃႇထိုင်ယၢမ်း(4)မူင်းတၢမ်းၶမ်ႈၼၼ်ႉ သိုၵ်းႁၢၼ် ၸၢႆးၸၢမ်ႇ လူႇ ဢွၼ်ႁူဝ်ၵူၼ်းသိုၵ်းၼႂ်းတပ်ႉႁူမ်ႇလူမ်ႈ ၸေႈဝဵင်းမၢႆ(30)SSPP/SSA မိူင်းပႃး ၸွႆႈထႅမ် ၽုၵ်ႇၶဝ်ႈၵၢပ်ႇ လုင်းၵျေႃႇ+ပႃႈလႃႉၶဝ် ဝၢၼ်ႈၶွၵ်ႈၵႂၢႆး ဢိူင်ႇၶမ်းတိူၼ်း ၸွႆႈၽုၵ်ႇယဝ်ႉၸိူဝ်ႉၶဝ်ႈၵၢပ်ႇ(6) ထူင်ၼႆယူႇယဝ်ႉ။ၵၢၼ်ၸွႆႈထႅမ်ပေႃႈမႄႈၵူၼ်းမိူင်းၼၼ်ႉ ၼႂ်းပိူင်ၵၢၼ်တပ်ႉသိုၵ်းၸိုင်ႈတႆးၵေႃႈ တိုၼ်းသပ်းလႅင်းဝႆႉ ၵေႃႉသိုၵ်းၵေႃႉႁၢၼ် ၼႂ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးၼႆႉ တူၵ်းပုၼ်ႈၽွၼ်းတီႈလႂ်ၵေႃႈ ၸွမ်းၼင်ႇၵၢၼ်ငၢၼ်းပေႃႈမႄႈၵူၼ်းမိူင်းမီး ၶၢဝ်းလႂ်ၶၢဝ်းၼၼ်ႉ ပေႃးတူဝ်ႈတၼ်းတေလႆႈၸွႆႈထႅမ်ၵႂႃႇ ၼႆယူႇယဝ်ႉ။
