May 6, 2020
By SSPP/SSA
ၸုမ်းၽၢႆႇယူႇလီပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး (SSPP/SSA)လူင်းပိုၼ်ႉတီၵူတ်ႇထတ်းပၼ် ပၢႆးယူႇလီပေႃႈမႄႈၵူၼ်းမိူင်း ၸိူဝ်းလုၵ်ႉမိူင်းၶႄႇ၊ မိူင်းထႆး ပွၵ်ႈၶိုၼ်းဝၢၼ်ႈၵဝ်ႇမိူင်းလင် ၼႂ်းၸေႊဝဵင်း မၢႆ(9)၊ ၸေႊတွၼ်ႈမၢႆ(4) ၵႂႃႇယူႇ။
ဝၼ်းထီႉ- 03/05/2020 ၼၼ်ႉ မေႃယႃ ၸၢႆးၺုၼ်ႉ ဢွၼ်ႁူဝ်မေႃယႃ(9)ၵေႃႉသေ လူင်းၵူတ်ႇထတ်း ပၢႆးယူႇလီပေႃႈမႄႈၵူၼ်းမိူင်း ၸိူဝ်းလုၵ်ႉမိူင်းၶႄႇ၊ မိူင်းထႆးသေ ပွၵ်ႈၶိုၼ်းဝၢၼ်ႈၽႂ်ႁိူၼ်းမၼ်းၼႆယူႇ။ ဢၼ်လႆႈလူင်းၵူတ်ႇထတ်းပၢႆးယူႇလီပၼ်ၼၼ်ႉ ဝၢၼ်ႈၶႃးၶဵဝ်၊ ဝၢၼ်ႈပၢင်ႇ၊ ဝၢၼ်ႈၼႃးလူင်၊ ဝၢၼ်ႈပႃႇၵၢင်း ၸိူဝ်းၼႆႉယူႇယဝ်ႉ။
မိူဝ်ႈဝၼ်းထီႉ – 03/05/2020 ၼၼ်ႉ သိုၵ်းႁၢၼ် ၸၢႆးၸွမ်မိူင်း ဢွၼ်ႁူဝ်မေႃယႃ(5)ၵေႃႉသေ လူင်းၵူတ်ႇ ထတ်းပၢႆးယူႇလီပၼ်ပေႃႈမႄႈၵူၼ်းမိူင်း တီႈဝၢၼ်ႈတိုဝ်ႉၸၢင်ႉ၊ ဝၢၼ်ႈႁူးမူၼ်း၊ ဝၢၼ်ႈသႅင်ၵႅဝ်ႉၸိူဝ်းၼႆႉ ၵႂႃႇယူႇ။
သိုပ်ႇသေ မိူဝ်ႈၼႆႉ ဝၼ်းထီႉ – 05/05/2020 ၼႆႉၵေႃႈ မေႃယႃ ၸၢႆးၺုၼ်ႉ ဢွၼ်ႁူဝ်မေႃယႃ(6)ၵေႃႉသေ လႆႈလူင်းၵူတ်ႇထတ်းပၼ် ပၢႆးယူႇလီၵူၼ်မိူင်း ၼႂ်းဝၢၼ်ႈလူင်ၵဵင်၊ ၼွင်ၸွမ်ႇ၊ ၼႃးသၢႆး၊ ဝၢၼ်ႈႁူဝ်တိုဝ်ႉ၊ ၼႃးၸီႉလီႉ၊ ၼမ်ႉၵိုတ်ႈ ၸိူဝ်းၼႆႉယူႇယဝ်ႉ။ၵၢၼ်ၵႅတ်ႇၶႄ တၢင်းပဵၼ်ၵၢပ်ႈလူင်(ၵႃႇလ) ၶူဝ်ႊဝိတ်ႉ-19 ၼႆႉ ပဵၼ်ၽွင်းၶၢဝ်းလမ်ႇလွင်ႈထီႉသုတ်း တႃႇၵႅတ်ႇၶႄပေႃႈမႄႈၵူၼ်းမိူင်းႁဝ်းလႄႈ ၼင်ႇႁိုဝ်တၢင်းပဵၼ်တေဢမ်ႇမႃးၸပ်း/ၽႄႈ ၼႂ်းဝၢၼ်ႈၼႂ်း မိူင်းၼႂ်းထုင်ႉၼႂ်းဢိူင်ႇႁဝ်းၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး ဝႆႉပဵၼ်ၽႅၼ်ၵၢၼ် လူင်ဢၼ်ၼိုင်ႈသေ ၵွင်ႉသၢၼ်တူင်ႉၼိုင်ႁဵတ်းသၢင်ႈၵႂႃႇ ႁႂ်ႈၶိုတ်းတၼ်းၶၢဝ်းယၢမ်းယူႇယဝ်ႉ။
