SSPP info
May, 12,2020
ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၸွႆႈထႅမ်ၸိူဝ်ႉၾၼ်းၶဝ်ႈဝၢၼ်ႇ ႁႆႊ/ၼႃး ပၼ်ၵူၼ်းမိူင်း ၸိူဝ်းမီးတၢင်းယၢပ်ႇ တႃႇၸိူဝ်ႉၾၼ်းၶဝ်ႈဝၢၼ်ႇ (90)တၢင် တီႈၵူၼ်းဝၢၼ်ႈ မၢၵ်ႇႁိၼ် မႅဝ်း၊ ဝၢၼ်ႈၼမ်ႉလိၼ်းသႂ်၊ ဝၢၼ်ႈမႂ်ႇ တူင်ႇဝဵင်းမိူင်းသူႈ ၸိုင်ႈတႆးပွတ်းၸၢၼ်း။
ဝၼ်းထီႉ 10.5.2020 ယၢမ်း 9 မူင်းၵၢင်ၼႂ်တေႃႇ ယၢမ်း10:30မူင်းၼၼ်ႉ ၵေႃႇမတီႇၸေႈဝဵင်းဝၢၼ်ႈႁႆး တၢင်တူဝ်ၵူၼ်းလူင် ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးသေ ဢဝ်ၸိူဝ်ႉၾၼ်းၶဝ်ႈ ဝၢၼ်ႇ တႃႇၽုၵ်ႇၼႂ်းႁႆႊၼႂ်းၼႃး(90)တၢင် ၵႂႃႇၸွႆႈထႅမ်ၵူၼ်းမီးလွင်ႈယၢပ်ႇၽိုတ်ႇ (8)လင်ႁိူၼ်း တီႈဝၢၼ်ႈမၢၵ်ႇႁိၼ်မႅဝ်း ၊ တီႈဝၢၼ်ႈမႂ်ႇ ၸွႆႈထႅမ်တႃႇလင်ႁိူၼ်း(15)လင်၊ တီႈဝၢၼ်ႈၼမ်ႉလိၼ်းသႂ် ၸွႆႈ ထႅမ်တႃႇလင်ႁိူၼ်း(26)လင် လႆႈၸွႆႈထႅမ်ၵႂႃႇလင်ႁိူၼ်း(49)လင် ႁူမ်ႈၾၼ်းၶဝ်ႈဝၢၼ်ႇ လႆႈၸွႆႈၵႂႃႇ(90) တၢင် ယူႇယဝ်ႉ။
တႃႇတွပ်ႇၵုင်ႇမုၼ်ၵူၼ်းမိူင်းၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး လႆႈတမ်း ဝၢင်းၽႅၼ်ၵၢၼ်မႃး ၼႂ်းပီ 2019 သေ ၵူၼ်းမိူင်းၸိူဝ်းထၢၼ်ႈႁဵတ်းၵိၼ်ၵၢၼ် ဝၼ်းလႂ်ဝၼ်းၼၼ်ႉ ႁႂ်ႈ ပဵၼ်ထၢၼ်ႈပႅင်ႇႁႆႊ/ၼႃး/ သူၼ်ၼႆလႄႈ တီႈၵိုင်ႇႁဵတ်းပၼ်ၽၢႆၼမ်ႉ ႁႂ်ႈၸၢင်ႈႁဵတ်းၼႃးၵေႃႈ တဵင်ပၼ် ၽၢႆ၊ ပဵၼ်လႆႈထၢၼ်ႈလႂ်ၵေႃႈ ၸွႆႈထႅမ်ပူၵ်းပွင်မႃး ယႂ်းဢမ်ႇထၢတ်ႇ ၼင်ႇၵႂၢမ်းလၢတ်ႈ ၸွမ်သိုၵ်းလူင် ပၢင်ႇၾႃႉ ႁူဝ်ပဝ်ႈလူင် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ယၢမ်ႈလၢတ်ႈဝႃႈ“တႃႇမုၵ်ႉၸုမ်း ၶိုၼ်ႈယႂ်ႇၼၼ်ႉ ၵူၼ်းမိူင်းတေလႆႈၶိုၼ်ႈယႂ်ႇ”ၼႆ ၵၢၼ်ပူၵ်းပွင်ၸွႆႈထႅမ်ၵူၼ်းမိူင်းၼၼ်ႉ ဝႆႉပဵၼ် ပိူင်ၵၢၼ်ဢၼ်ၼိုင်ႈသေ ၸွႆႈထႅမ်ပူၵ်းပွင်မႃးပဵၼ်တွၼ်ႈပဵၼ်တွၼ်ႈယူႇယဝ်ႉ။
