May 3,2020
By – SSPP/ SSA
ၼႂ်းပီႊ 2020 ၼီႊၼႆႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈတၢမ်း ဝၢင်းၽႅၼ် ယဵပ်ႇယၢင်ႈၸွမ်း ၶေႃႈတုၵ်းယွၼ်းပေႃႈမႄႈၵူၼ်းမိူင်းသေ လႆႈပူၵ်းပွင်ၵၢၼ်ပၢႆးပိင်ႇၺႃႇ ၵေႃႇ သၢင်ႈႁူင်းႁဵၼ်းလိၵ်ႈတႆး ပဵၼ်တီႈပဵၼ်တွၼ်ႈမႃးယူႇ။
ၼႂ်းလိူၼ်ဢေႇပီႇ 1 ဝၼ်း တေႃႇထိုင် 28 ဝၼ်း ပီႊ 2020 ၼီႊၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈဢဝ်ပုၼ်ႈၽွၼ်းလုမ်းလုမ်းသေ ၵေႃႇသၢင်ႈႁူင်းႁဵၼ်းလိၵ်ႈတႆး ၸၼ်ႉငဝ်ႈ ၸၼ်ႉ(1)တေႃႇ ၸၼ်ႉ(4) ပုၼ်ႈတႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈဝၢၼ်ႈၵုၼ်တူၼ်း ဢိူင်ႇၼႃးၶႃႇ တူင်ႇဝဵင်းတၢင်ႉယၢၼ်း ၵႂႃႇယူႇ။
ဝၢၼ်ႈၵုၼ်တူၼ်းၼႆႉ လင်ႁိူၼ်းၵူၼ်းမီးမွၵ်ႈ(25)လင်၊ ႁူဝ်ၼပ်ႉၵူၼ်းဝၢၼ်ႈၸၢႆးဢိၵ်ႇယိင်း ႁူမ်ႈသဵင်ႈမီး မွၵ်ႈ(210)ၵေႃႉသေ လုၵ်ႈႁဵၼ်းၸိူဝ်းဢႃႇယူႉထူၼ်ႈ တႃႇၶိုၼ်ႈႁူင်းႁဵၼ်းမီးမွၵ်ႈ(30)ၵေႃႉလႄႈ မေႃသွၼ် ၸၢႆးမီး(1) ၵေႃႉၼႆယူႇ။ ၼင်ႇႁိုဝ် ၶိူဝ်းတႆးတေဢမ်ႇတၢႆ ပိုၼ်းတႆးတေဢမ်ႇႁၢႆ လႄႈ လိၵ်ႈတႆးတေဢမ်ႇတၢႆ ၶိူဝ်းတႆးတေဢမ်ႇ ႁၢႆလၢႆၵႂႃႇၼၼ်ႉ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) ၸင်ႇလႆႈပူၵ်းပွင်ပၢႆးပိင်ႇ ၺႃႇ ၵေႃႇသၢင်ႈႁူင်းႁဵၼ်းၽိုၵ်းသွၼ်လိၵ်ႈတႆး ၼႂ်းၼႃႈတီႈဢုပ်ႉပိူင်ႇၸဝ်ႈၵဝ်ႇမႃး ၵူႊတီႈၵူႊပီႊယူႇ။
