April 28,2020
By – SSPP/ SSA
ၼႂ်းလိူၼ်ဢေႇပီႇ 2020 ၼီႊၼႆႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈၸွႆႈထႅမ် ပူၵ်းပွင်ၵၢၼ်သႃႇသၼႃႇ ၼႂ်းဢိူင်ႇၼမ်ႉလပ်ႉ၊ ဢိူင်ႇၼႃးၶႃႇလႄႈ ဢိူင်ႇႁူဝ်ငႃႉ တူင်ႇဝဵင်း တၢင်ႉယၢၼ်း ၶပ်ႉၶပ်ႉတၢမ်းတၢမ်းၵၼ်မႃးယူႇ။
ၼႂ်းလိူၼ်ဢေႇပီႇ1 ဝၼ်း ပီႊ 2020 ၼီႊၼၼ်ႉၵေႃႈ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈ တႆး(SSPP/ SSA) လႆႈၸွႆႈထႅမ်ပူၵ်းပွင်ၵၢၼ်သႃႇသၼႃႇ ၵေႃႇသၢင်ႈပၼ်ၵျွင်းမုၼ်ၸဝ်ႈ တႃႇပေႃႈမႄႈ ၵူၼ်းမိူင်း တီႈဝၢၼ်ႈၵုၼ်မၢၵ်ႇတီး ဢိူင်ႇႁူဝ်ငႃႉ တူင်ႇဝဵင်းတၢင်ႉယၢၼ်းမႃးလီငၢမ်းယူႇ။
တႃႇၵေႃႇသၢင်ႈၵျွင်းမုၼ်ၸဝ်ႈတီႈဝၢၼ်ႈၵုၼ်မၢၵ်ႇတီးၼၼ်ႉ ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး၊ တပ်ႉ သိုၵ်းၸိုင်ႈတႆး(SSPP/ SSA) လႆႈၸွႆႈထႅမ်ပၼ် ၵႃႈမေႃမိုဝ်း(167)သႅၼ်ပျႃးလႄႈ ဢိၵ်ႇတင်းၶိူင်ႈမႆႉပႅၼ်ႈ၊ လဵၵ်းမုင်း ၸိူဝ်းၼႆႉယူႇ။
ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်ႇပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) ၼႆႉ ဢိင်ၼိူဝ်ငဝ်းလၢႆးၼမ်ႉလိၼ်ႁိၼ်ၽႃႇလႄႈ ငဝ်းလၢႆးရႃႇသီႇၾႃႉၽူၼ်မီးသေ ပေႃးထိုင်မႃးၼႂ်းလိူၼ် မေႇ ပီႊ 2020 ၼီႊ မႅၼ်ႈမိူဝ်ႈၽူၼ်တူၵ်းႁႅင်းၼၼ်ႉ တေၵိုတ်းယင်ႉဝႆႉၸူဝ်ႈၶၢဝ်း ယူႇ။
