ၶၢဝ်ႇ – SSPP/SSA
March 23, 2020
ႁွင်ႈၵၢၼ်ၽၢႆႇယူႇလီ ၸေႈဝဵင်းမၢႆ (10) ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး လူင်းပိုၼ်ႉတီႈသေ ၸွႆႈထႅမ်ယူတ်းယႃပၼ်ၵူၼ်းမိူင်း ၼႂ်းဢိူင်ႇႁၢင်ၼႃး၊ တူင်ႇဝဵင်းလႃႈသဵဝ်ႈ။
ဝၼ်းထီႉ- 21.03.2020 ၶၢဝ်းယၢမ်းၵၢင်ၼႂ် 09:00မူင်း သိုၵ်းႁၢၼ် လုင်းၶမ်း ၵေႃႉပဵၼ်မေႃယႃ ၼႂ်းႁွင်ႈၵၢၼ်ၸေႈဝဵင်းမၢႆ (10) လူင်းပိုၼ်ႉတီႈၸွမ်းၽူႈၸတ်းၵၢၼ်ၸေႈဝဵင်းသေ ႁဵတ်းပၢင်ၵုမ် ၵူၼ်းမိူင်းလႄႈ ယူတ်းယႃပၼ်တၢင်းပဵၼ်ၵူၼ်းမိူင်း ၸိူဝ်းမႃးၶိုၼ်ႈႁွတ်ႈပၢင်ၵုမ်ၵႂႃႇယူႇ။
တီႈႁွင်ႈယူတ်းယႃတၢင်းပဵၼ်ပၼ်ပေႃႈမႄႈၵူၼ်းမိူင်းၼၼ်ႉမီးမေႃယႃယိင်းၼႂ်းဢိူင်ႇၼႃးၼိဝ်ႉ(6)ၵေႃႉ မေႃယႃ ၸၢႆး(2)ၵေႃႉ မႃးၶဝ်ႈႁူမ်ႈၸွႆႈထႅမ်ယူတ်းယႃၸွမ်းၵႂႃႇယူႇ။
တၢင်းပဵၼ်ဢၼ်လႆႈယူတ်းယႃပၼ်ၵႂႃႇၸမ်ႉ – ၶူပ်းၶိုၼ်ႈ၊ ဢႆ၊ မဝ်း၊ ၼၢဝ်၊ တွင်ႉဢိဝ်ႈ၊ ၶူမ်း၊ လိူတ်ႈၶိုၼ်ႈ၊ ႁႅင်းယွမ်း၊ ၽိတ်းလိူတ်ႈ၊ ပဵၼ်ဝတ်း၊ ႁႅင်းသၢႆတႃယွမ်း၊ ၶေႃးၸဵပ်း၊ ထူင်ၶဝ်ႈၸဵပ်း၊ သလိူၵ်ႈ၊ ၸႂ်ၵပ်ႉ၊ သွင်ႁူၼ်၊ တိၼ်မိုဝ်းသၼ်ႇ၊ ႁူဝ်ၶႆႈ၊ႁူဝ်ၼၵ်း၊ ၶဵဝ်ႈမႅင်းၶိုၼ်ႈ ၸိူဝ်းၼႆႉသေ လႆႈယူတ်းယႃပၼ် ၵူၼ်းပဵၼ် ၸၢႆး(35)ၵေႃႉ၊ ယိင်း(79)ၵေႃႉယူႇယဝ်ႉ။ပူၼ်ႉမႃးၼႂ်းဝၼ်းထီႉ – 13.03.2020 ၼၼ်ႉၵေႃႈ ႁွင်ႈၵၢၼ်ၽၢႆႇယူႇလီ ၸေႊဝဵင်းမၢႆ(10) လႆႈလူင်းပိုၼ်ႉ တီႈသေ ယူတ်းယႃပၼ်ပေႃႈမႄႈၵူၼ်းမိူင်း ၼႂ်းဢိူင်ႇမိူင်းၸိတ်ႇၵႂႃႇယူႇ။
