By – SSPP/SSA
Date – March 5, 2020
ၵေႃႉႁၢၼ်ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၸွႆႈထႅမ်ၽၼ်းမႆႉႁူဝ်ႉပၼ် ပေႃမေႈၵူၼ်းမိူင်း ဝၢၼ်ႈၵွင်း တူင်ႇဝဵင်းသီႇပေႃႉၸိုင်ႈတႆးပွတ်းႁွင်ႇ။
ဝၼ်းတီႈ 04.03.2020 ၶၢဝ်းယၢမ်း (8:30) မူင်း ၽၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်း ၸိုင်ႈတႆး ၼႂ်းၸေႈဝဵင်းမၢႆ(10) ၵေႃႉႁၢၼ် ၸၢႆးပၢၼ်းဢေး ဢွၼ်ႁူဝ် ႁႅင်းၵူၼ်း (5) ၵေႃႉ ၽၼ်းမႆႉႁူဝ်ႉ ပၼ် လုင်းတႃႉ+ ပႃႈၸၢမ်ႇ တီႈယူႇဝၢၼ်ႈၵွင်း ၸုမ်း (2) ဢိူင်ႇၼႃးၼိဝ်ႉ ၸေႈဝဵင်းမၢႆ (10) တူင်ႇဝဵင်း သီႇပေႃႉ ၸိုင်ႈတႆးပွတ်းႁွင်ႇ ဝႃႈၼႆ။ၸွမ်းၼင်ႇၵၢၼ်ငၢၼ်းပေႃႈမေႈၵူၼ်းမိူင်းမီး ၶိင်ႇလႂ်ၶၢဝ်းၼၼ်ႉ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း ၸိုင်ႈတႆး တိုၼ်းမီးၽႅၼ်ၵၢၼ် တႃႇၸွႆႈထႅမ်ၼႃႈၵၢၼ်ပေႃႈမႄႈၵူၼ်းမိူင်း မိူၼ်ၼင်ႇပၢႆးၽုၵ်ႇသွမ်ႈ၊ ပၢႆးယူႇလီ၊ ပၢႆးပိင်ႇၺႃႇလႄႈ ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်ႇ ၸဵမ်ၸိူဝ်းၼႆႉၵႂႃႇယူႇယဝ်ႉ။
