March 19,2020
By – SSPP/ SSA
ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) ၸွႆႈထႅမ်တီႇႁႆႈပၼ် ပေႃႈမႄႈၵူၼ်းမိူင်း ၼႂ်းဢိူင်ႇတူၼ်ႈၵႅင်း ၸေႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ဝႃႈၼႆ။
ၼႂ်းလိူၼ်မၢတ်ႉ 19 ဝၼ်း ပီႊ 2020 ၼီႊ ယၢမ်းၵၢင်ၼႂ် 8:30 မူင်းၼၼ်ႉ သိုၵ်းႁတ်းႁၢၼ် ၸၢႆးထုၼ်း လူႇ ၼႂ်းႁွင်ႈၵၢၼ်တပ်ႉႁူမ်ႇလူမ်ႈၸေႈဝဵင်းမၢႆ(10) လႆႈဢွၼ်ႁူဝ်ႁႅင်းၵူၼ်း(10)ၵေႃႉသေ ၸွႆႈထႅမ်တီႇ ႁႆႈပၼ် လုင်းလႅင်းလႄႈ ပႃႈမူၺ်း ယူႇဝၢၼ်ႈၼွင်တူမ် ဢိူင်ႇတူၼ်ႈၵႅင်း တူင်ႇဝဵင်းသီႇပေႃႉ ၵႂႃႇယူႇ။
ၸွမ်းၼင်ႇၼႃႈၵၢၼ်ပေႃႈမႄႈၵူၼ်းမိူင်းမီးၼၼ်ႉသေ ၶၢဝ်းႁိူဝ်ႉၶၢဝ်းၽူၼ် ၶၢဝ်းၵတ်း ဢိၵ်ႇၶၢဝ်းမႆႈ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) တိုၼ်းပုၼ်ႈၽွၼ်း ႁၢပ်ႇႁၢမ် ပွင်သၢင်ႈ ၸွႆႈထႅမ်ၼႃႈၵၢၼ်ပေႃႈမႄႈၵူၼ်းမိူင်း ၵႂႃႇယူႇ။
