March 16,2020
ၶၢဝ်ႇ – သိူဝ်လမ်
သင်ႇၶႃႇၸဝ်ႈ တီႈဝိႁၢၼ်ႇၵျွင်းမိူင်းၸိတ်ႇ တူင်ႇဝဵင်းမိူင်းယႆ ပိုတ်ႇၽုၺ်ႇပၢင်သွၼ်လိၵ်ႈတႆးၶၢဝ်းမႆႈ လႄႈ ၾိင်ႈငႄႈပုတ်ႉထ ဢိၵ်ႇႁူင်းႁဵၼ်းထမ်ႇမဝႃႈၼႆ။
ၼႂ်းဝၼ်းထီႉ – 15.3.2020 ၶၢဝ်းယၢမ်းၵၢင်ၼႂ် 8:00 မူင်းၼၼ်ႉ ၸဝ်ႈၵၼ်ႇၼ ၸဝ်ႈသြႃႇၼင်ႈၵျွင်း ဝိႁၢၼ်မိူင်းၸိတ်ႇ လႆႈဢွၼ်ႁူဝ်ၼၢမ်းၼႃႈသေ ပိုတ်ႇၽုၺ်ႇပၢင်သွၼ်လိၵ်ႈတႆးၶၢဝ်းမႆႈလႄႈ ၾိင်ႈ ငႄႈပုတ်ႉထ ဢိၵ်ႇႁူင်းႁဵၼ်းထမ်ႇမ တီႈၵျွင်းမုၼ်ၸဝ်ႈမိူင်းၸိတ်ႇ တူင်ႇဝဵင်းမိူင်းယႆ ၸိုင်ႈတႆးပွတ်း ႁွင်ႇၵႂႃႇယူႇ။ ၼႂ်းပၢင်သွၼ်ၼၼ်ႉ မေႃသွၼ်မီး(4)ၵေႃႉ လုၵ်ႈႁဵၼ်းၸၢႆးယိင်းမီး(120)ၵေႃႉၼႆယူႇ။ၼႂ်းဝၼ်းလဵဝ်ၵၼ်ၼႆႉၵူၺ်း တီႈႁူင်းႁဵၼ်းဝၢၼ်ႈပုင်းထုၼ်လႄႈ ထုင်ႉၼွင်မွၼ် တူင်ႇဝဵင်းလႃႈသဵဝ်ႈ ၸိူဝ်းၼႆႉၵေႃႈ လႆႈပိုတ်ႇၽုၺ်ႇပၢင်သွၼ်လိၵ်ႈတႆးၶၢဝ်းမႆႈၵႂႃႇ ၶပ်ႉၶပ်ႉတၢမ်းတၢမ်းယူႇယဝ်ႉ။
