March 18,2020
By – SSPP/ SSA
ၼႂ်းလိူၼ်မၢတ်ႉ 16 ဝၼ်း ပီႊ 2020 ၼီႊၼၼ်ႉ ၵေႃႉသိုၵ်းၵေႃႉႁၢၼ်ၼႂ်းတပ်ႉငဝ်ႈသိုၵ်း(798) ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈၸွႆႈထႅမ်ငိုၼ်း(1,578,000) ပျႃး တႃႇႁႂ်ႈပေႃႈမႄႈၵူၼ်းမိူင်း သိုဝ်ႉလွတ်ႇၼမ်ႉသေ ဢဝ်ၼမ်ႉမႃးၸႂ်ႉတိုဝ်းတီႈၵျွင်းမုၼ်ၸဝ်ႈလႄႈ ၼႂ်းဝၢၼ်ႈၸႃႇလီႇ ဢိူင်ႇဝၢၼ်ႈၼွင် ၸေႈဝဵင်းမၢႆ (8) တူင်ႇဝဵင်းသီႇပေႃႉ ၵႂႃႇယူႇ။
ၼႂ်းဝၢၼ်ႈၸႃႇလီႇၼႆႉ ႁူဝ်ၼပ်ႉၵူၼ်းၸၢႆးယိင်းႁူမ်ႈမီး(184)ၵေႃႉသေ လင်ႁိူၼ်းၵူၼ်းမီး(26)လင် ၼႆယူႇ။ ၼႂ်းၶၢဝ်းမႆႈပီႊၼႆႉ ၼမ်ႉၸႂ်ႉတိုဝ်းဢမ်ႇၵုမ်ႇထူၼ်ႈလႄႈ ပေႃႈမႄႈၵူၼ်းမိူင်းၼႂ်းဝၢၼ်ႈၸႃႇလီႇ လႆႈၸူႉတုမ်ၶွၼ်ႈႁႅင်းၵၼ်သေ တေဢဝ်ၼမ်ႉတီႈလုၵ်းတွင်း ဢၼ်ယၢၼ်ၵႆဝၢၼ်ႈမွၵ်ႈ(1580)ဝႃး (4,740)ထတ်းၼၼ်ႉ မႃးၸႂ်ႉတိုဝ်းတီႈၵျွင်းမုၼ်ၸဝ်ႈလႄႈ ၼႂ်းဝၢၼ်ႈၸႃႇလီႇ ၼႆယဝ်ႉ။ၼႂ်းၶၢဝ်းမႆႈပီႊၼႆႉ ပေႃႈမႄႈၵူၼ်းမိူင်း လႆႈထူပ်းတၢင်းယၢပ်ႇၽိုတ်ႇၼမ်ႉႁႅင်ႈ ဢမ်ႇၵုမ်ထူၼ်ႈတႃႇၸႂ်ႉ တိုဝ်းလႄႈ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) ၶဝ်ႈပဵၼ်လုၵ်ႈလၢင်းပေႃႈမႄႈ ၵူၼ်းမိူင်းသေ ၶတ်းၸႂ်ၸွႆႈထႅမ်ၵေႈလိတ်ႈပၼ်ႁႃတၢင်းယၢပ်ႇၽိုတ်ႇပေႃႈမႄႈၵူၼ်းမိူင်းၵႂႃႇယူႇ။
