ၶၢဝ်ႇ-SSPP info
6 February 2020
တၢင်းပဵၼ်ပွတ်ႇၸဵပ်း ဢၼ်ပဵၼ်မႃးတီႈၸိူဝ်ႉမႅင်း ၵူဝ်ႊရူဝ်ႊၼႃႊ ဢမ်ႇၼၼ်ႉ ၸိူဝ်ႉမႅင်းဝူႊႁၢၼ်ႊ ၼၼ်ႉ လႆႈၽႄႈတိတ်းၸပ်းၵႂႃႇ 28 မိူင်း၊ ၵူၼ်းတိတ်းၸပ်းတၢင်းပဵၼ်မီးမႃး 24549 ၵေႃႉ၊ ၵူၼ်းတၢႆ ယွၼ်ႉတၢင်းပဵၼ်ၼႆႉ မီးမႃး 492 ၵေႃႉၼႆ ႁွင်ႈၵၢၼ်သိုဝ်ႇၶၢဝ်ႇ တီႊဝီႊပီႊ လၢႆးငၢၼ်းဝၼ်းထီႉ 5.2.2020 ၼႆႉယူႇယဝ်ႉ။
တၢင်းပဵၼ်ပွတ်ႇၸဵပ်း ဢၼ်တႄႇပဵၼ်တီႈၼႂ်းမိူင်းၶေႇ မိူဝ်ႈၼႂ်းလိူၼ် တီႊၸိမ်ႊပႃႇ ပီ 2019 ၼၼ်ႉ တေႃႇထိုင်ယၢမ်းၼႆႉ ဢမ်ႇပႆႇႁႃႁၼ် ယႃႈယႃတႃႇယူတ်းယႃၶႅၼ်းလႆႈသေဢမ်ႇၵႃး လႆႈၽႄႈတိူၼ်း ၵႂႃႇတၢင်ႇမိူင်း ၼမ်တိူဝ်းလိူဝ်မႃးၵူႈမိုဝ်ႉဝၼ်းယူႇယဝ်ႉ။
