SSPP info
February 22, 2020
တပ်ႉသိုၵ်းၸိုင်ႈတႆး ၽၢႆႇတႂ်ႈၵုမ်းၵမ် တပ်ႉငဝ်ႈသိုၵ်း 798 SSPP/SSA ထုၵ်ႇသိုၵ်းမၢၼ်ႈ တပ်ႉၵွင် 325 ငဝ်ႈတပ်ႉပၵ်းမိူင်းယႆၼၼ် လတ်းထိူၼ်ႇၵႂႃႇၽႃႇၺႃး တပ်ႉႁူမ်ႇလူမ်ႈပၢင်သဝ်း တပ်ႉႁိၼ်လၢႆးလႄႈ သွင်ၽၢႆႇ လႆႈပဵၼ်ပၢင်တိုၵ်းၵၼ် တီႈၽၢႆႇတူၵ်းလုၵ်းမွၵ်ႇသၢၼ်ႈ ဢိူင်ႇမိူင်းတုင် ၸေႈဝဵင်းသီႇပေႃႉ ၸိုင်ႈ တႆးပွတ်းႁွင်ႇ။ဝၼ်းထီႉ 22.2.2020 ယၢမ်းၵၢင်ၼႂ် (8:35)မူင်းၼၼ်ႉ သိုၵ်းမၢၼ်ႈ တပ်ႉၵွင် (325) ဢဵၼ်ႁႅင်း(36)ၵေႃႉ လုၵ်ႉတၢင်းဝၢၼ်ႈၵၢင်သေ လတ်းထိူၼ်ႇၵႂႃႇၽႃႇၺႃး တပ်ႉတူင်ႉၼိုင်ဢဝ်ႁူမ်ႇလူမ်ႈ ပၢင်သဝ်းႁိၼ်လၢႆး ၼၼ်ႉသေ သွင်ၽၢႆႇလႆႈပဵၼ်ပၢင်တိုၵ်းၵၼ် ဢမ်ႇလိူဝ်(5)မိၼိတ်ႉ ၽၢႆႇလႂ်ၽႂ်ဢမ်ႇမီးလွင်ႈလုသုမ်း သင်ႇ ၽၢႆႇတပ်ႉသိုၵ်းၸိုင်ႈတႆး လႆႈပၼ်ၶေႃႈသင်ႇ ႁုၼ်လင်ယွၼ်ႉဢမ်ႇၶႂ်ႈမီးပၼ်ႁႃ လွင်ႈပိုတ်းယိုဝ်း တိုၵ်းတေႃးၵၼ် တင်းၽႂ်ၼၼ်ႉယဝ်ႉ။
