January 10,2020
By – SSPP/ SSA
ၼႂ်းလိူၼ်ၸၼ်ႇဝႃႇရီႇ 8 ဝၼ်း ယၢမ်းၵၢင်ၼႂ် 8:00 မူင်း တေႃႇထိုင် ယၢမ်းဝၢႆးဝၼ်း 1:00 မူင်းၼၼ်ႉ ၸၢႆးထုၼ်းဢေး ၽူႈႁပ်ႉပုၼ်ႈၽွၼ်း ၽၢႆႇႁူမ်ႇလူမ်ႈၸေႈတွၼ်ႈမၢႆ(10) လႆႈဢွၼ်ႁူဝ်ႁႅင်းၵူၼ်း(5) ၵေႃႉသေ တီႇၸွၼ်ႉလႅၼ်ဝၢၼ်ႈ၊ ဝၢင်းၵျွင်းပိင်ႇၺႃႇ၊ ၼႂ်းၼႃႈဝၢၼ်ႈၶႂၢၵ်ႈၵႂၢႆး ဢိူင်ႇၶမ်းတိူၼ်း ၸေႈ ဝဵင်းမၢႆ(30) ၸေႈတွၼ်ႈမၢႆ(8)ၵႂႃႇယူႇ။
ၶႅပ်းႁၢင်ႈ – ၵေႃႉသိုၵ်းၵေႃႉႁၢၼ် ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး ၸွႆႈထႅမ်ၵၢၼ်ပေႃႈမႄႈၵူၼ်းမိူင်း
ၵၢၼ်ၸွႆႈထႅမ်ပေႃႈမႄႈၵူၼ်းမိူင်းၼႂ်းဢိူင်ႇၶမ်းတိူၼ်းပွၵ်ႈၼႆႉ ၵေႃႉသိုၵ်းၵေႃႉႁၢၼ် ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) မွၵ်ႈ(5)ၵေႃႉ လႆႈႁူမ်ႈမိုဝ်းၵၼ်တင်း ပေႃႈမႄႈၵူၼ်းမိူင်း မွၵ်ႈ(12)ၵေႃႉ ႁူမ်ႈသဵင်ႈႁႅင်းၵူၼ်း(17)ၵေႃႉသေ ပွင်သၢင်ႈၸွႆႈထႅမ်ၵၢၼ်ပေႃႈမႄႈ ၵူၼ်းမိူင်းၵႂႃႇယူႇ။
ၵၢၼ်ၸွႆႈထႅမ်ၵမ်ႉယၼ် တွပ်ႇၵုင်ႇမုၼ်ပေႃႈမႄႈၵူၼ်းမိူင်းၼႆႉ ပဵၼ်ၵၢၼ်လမ်ႇလွင်ႈတႃႇ ပႃႇတီႇမႂ်ႇ သုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) ဢၼ်ၼိုင်ႈလႄႈ ပူၼ်ႉမႃးတေႃႇမိူဝ်းၼႃႈၵေႃႈ တေ သိုပ်ႇၶတ်း ၸႂ်ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၵႂႃႇၶပ်ႉၶပ်ႉတၢမ်းတၢမ်းယူႇယဝ်ႉ။