ၶၢဝ်ႇ-SSPP info
22 January 2020
ၵေႃႉသိုၵ်းၵေႃႉႁၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး လူင်းၸွႆႈၵၢၼ်ပေႃႈမႄႈၵူၼ်းမိူင်း ၵၢၼ်ႉၶဝ်ႈၵၢပ်ႇ၊ ပေႃႉၶဝ်ႈ ၼႂ်းၼႃႈတီႈၸေႈဝဵင်းမၢႆ(10) သီႇပေႃႉ ၸိုင်ႈတႆးပွတ်းႁွင်ႇ။
ဝၼ်းထီႉ 21.01.2020 ယၢမ်း(8)မူင်းၼၼ်ႉ သိုၵ်းႁၢၼ် လုင်းသႃႇ ဢွၼ်ႁူဝ်သိုၵ်းၵူၼ်းမိူင်း ႁႅင်းၵူၼ်း (9)ၵေႃႉ ၸွႆႈၵၢၼ်ႉၶဝ်ႈၵၢပ်ႇ လုင်းဝီႉသႃႇ ဝၢၼ်ႈၼွင်တူမ် ဢိူင်ႇတူၼ်ႈၵႅင်းၸေႈဝဵင်းသီႇပေႃႉ၊ ၽၢႆႇၼိုင်ႈ ၵေႃႈ ဢၼ်ပဵၼ် ၵေႃးလိင်ႇ ၼႂ်းတပ်ႉၵွင် (357) ဢွၼ်ႁူဝ်ႁႅင်းၵူၼ်း(2)ၵေႃႉသေ ၵႂႃႇၸွႆႈထႅမ်ပေႃႉၶဝ်ႈ လုင်းဢွင်ႇသႃႇ+ပႃႈၶမ်းဢွင်ႇ ဝၢၼ်ႈၽႃၶိူဝ်း ဢိူင်ႇတူၼ်ႈၵႅင်း၊ ထႅင်ႈၸုမ်းၼိုင်ႈ ၸၢႆးသူႉလိင်ႇ ဢွၼ်ႁူဝ် သိုၵ်းတပ်ႉႁူမ်ႇလူမ်ႈၸေႈဝဵင်းမၢႆ(10) ႁႅင်းသိုၵ်း(7)ၵေႃႉ ၵႂႃႇၸွႆႈၵၢၼ်ႉၶဝ်ႈၵၢပ်ႇ လုင်းသူႉ+ပႃႈၵီႇ ဝၢၼ်ႈ မွၵ်ႇတွင်း ဢိူင်ႇႁၢင်ၼႃး တူင်ႇဝဵင်းလႃႈသဵဝ်ႈ၊ ဝၼ်းထီႉ 22.01.2020 ယၢမ်း (9)မူင်း ဢိင်ႇတၵ ဢွၼ်ႁူဝ် သိုၵ်းၼႂ်းတပ်ႉၵွင်(357) (6)ၵေႃႉသေ ၸွႆႈထႅမ်ပေႃႉၶဝ်ႈ လုင်းၵျေႃႇလူၼ်း+ပႃႈလိုၼ်း ဝၢၼ်ႈၽႃၶိူဝ်း ဢိူင်ႇတူၼ်ႈၵႅင်း ၼႃႈတီႈၸေႈဝဵင်းမၢႆ(10) ၸေႈတွၼ်ႈမၢႆ(4) SSPP/SSA ၵႂႃႇယူႇယဝ်ႉ။
ၸွမ်းၼင်ႇပိူင်ၵၢၼ်တပ်ႉ တပ်ႉသိုၵ်းၸိုင်ႈတႆးမီးဝႆႉ ပေႃးၶၢဝ်းယၢမ်းတၼ်းၼၼ်ႉ တေလႆႈလူင်းၸွႆႈ ၵၢၼ်ပေႃႈမႄႈၵူၼ်းမိူင်း ၼင်ႇၵၢၼ်ၶၢဝ်းလႂ်ၶၢဝ်းၼၼ်ႉမီးၼႆၼၼ်ႉ ဢွၼ်ၵၼ်ႁဵတ်းသၢင်ႈ ၽေႃႇၼမ်ႉ ၼႄတူဝ်ၵႂႃႇယူႇယဝ်ႉ။
