ၶၢဝ်ႇ-SSPP
2020 (15)
ၵူၼ်းမိူင်းဢိူင်ႇၵုင်းသႃႇ လႆႈထူပ်းၺႃး ၽေးလူမ်းလႅင်ႉပတ်ႉလဵၵ်းမုင်းႁိူၼ်းပိဝ်၊ သူၼ်ၽုၵ်ႇ သွမ်ႈ လူႉလႅဝ်ၵႂႃႇ မိူဝ်ႈဝၼ်းထီႉ 01.01.2020 ၼၼ်ႉ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉ သိုၵ်းၸိုင်ႈတႆး လႆႈလူင်းထတ်းလွင်ႈလူႉသုမ်းသေ ၸွႆႈထႅမ်ၵႂႃႇယူႇယဝ်ႉ။
ဝၼ်းထီႉ 13.01.2020 ယၢမ်း 09:00 မူင်းၼၼ်ႉ ၸဝ်ႈႁၢၼ် တၢၼ်းဢွင်ႇ ဢွၼ်ႁူဝ် ၸုမ်းတၢင်တူဝ်ငဝ်ႈ ငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေ လႆႈလူင်းၸွႆႈထႅမ်ငိုၼ်း 100 (သႅၼ်) ဢဝ်ဢၢပ်ႈပၼ်ၼႂ်းမိုဝ်း ၵေႃႇမတီႇဢိူင်ႇၵုင်းသႃႇၶဝ်သေ မွၵ်ႇလၢတ်ႈၶေႃႈၵႂၢမ်း ပၼ်ႁႅင်းၸႂ်ၵႂႃႇယူႇ။
လင်ႁိူၼ်းၸိူဝ်းထုၵ်ႇလူမ်းလႅင်ႉလူင်ပတ်ႉဢဝ်ၸွမ်ႁိူၼ်းပိဝ်ၵႂႃႇၼၼ်ႉ ဝၢၼ်ႈၵုင်းသႃႇ 130 လင်၊ ဝၢၼ်ႈ ၶမ်းၼွင် 60 လင်၊ ဝၢၼ်ႈၵုင်းပႅၼ်ႈ 4 လင်၊ ဢိၵ်ႇပႃးႁူင်းႁဵၼ်း၊ သူၼ်မၢၵ်ႇၵဵင်၊ သူၼ်မၢၵ်ႇၸွၵ်း၊ သူၼ် မၢၵ်ႇၶိူဝ်သူမ်ႈလႄႈ သူၼ်တႅင်ၸိူဝ်းၼႆႉ ထုၵ်ႇမၢၵ်ႇႁဵပ်းတူၵ်းၽတ်ႉလႅဝ် ၼပ်ႉႁူဝ်ပၢၵ်ႇ ဢေႇၵ မၼ်း သုမ်းယူႇၼႆယဝ်ႉ။
