January 3,2020
By – SSPP/ SSA
သိုၵ်းၵူၼ်းမိူင်း ၽၢႆႇတပ်ႉသိုၵ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢၼ်ပဵၼ်တပ်ႉႁူမ်ႇလူမ်ႈ
ၸေႈဝဵင်းမၢႆ (10 ) ၸွႆႈထႅမ်ၵၢၼ်ငၢၼ်းပေႃႈမႄႈၵူၼ်းမိူင်း ၵၢၼ်ႉၶဝ်ႈၵၢပ်ႇ ၼႂ်းဝၢၼ်ႈလွႆငိုၼ်း ဢိူင်ႇတူၼ်ႈၵႅင်း ၸေႈ
ဝဵင်းသီႇပေႃႉ ၸိုင်ႈတႆးပွတ်းႁွင်ႇ။
မိူဝ်ႈဝၼ်းထိ 1.1.2020 ၶၢဝ်းယၢမ်း 08:00 မူင်းၼၼ်ႉ သိုၵ်းၵူၼ်းမိူင်းၽၢႆႇတပ်ႉသိုၵ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်း
ၸိုင်ႈတႆး SSPP/SSA တပ်ႉႁူမ်ႇလူမ်ႈၸေႈဝဵင်းမၢႆ(10 ) သိုၵ်းႁၢၼ်ၸၢႆးသု ဢွၼ်ႁူဝ်ၵူၼ်းသိုၵ်း (10) ၵေႃႉ ၵႂႃႇၸွႆႈထႅမ်
ၵၢၼ်ႉၶဝ်ႈၵၢပ်ႇၸွမ်းပေႃႈမႄႈၵူၼ်းမိူင်း လုင်းၸၢႆးသၢင်ႇၶူၼ်လႄႈပႃႈၼၢင်းမူး ယူႇဝၢၼ်လွႆငိုၼ်း ဢိူင်ႇတူၼ်ႈၵႅင်း ၸေႈ
ဝဵင်းသီႇပေႃႉ ၵူၼ်းၵၢၼ်ႉၶဝ်ႈၵၢပ်ႇ ဢၼ်ပဵၼ်ၵူၼ်းမိူင်း (18) ၵေႃႉ ႁူမ်ႈၵၼ်တင်းၵူၼ်းသိုၵ်း မီး (28) ၵေႃႉ ဝႃႈၼႆ။
လွင်ႈတႃႇတေၸွႆႈထႅမ်ၵၢၼ်ငၢၼ်း ပေႃႈမႄႈၵူၼ်းမိူင်းၼၼ်ႉ ၸွမ်းၼင်ႇ ပိူင်ၵၢၼ် ပႃႇတီႇမႂ်ႇသုင်ၸိုင်ႈတႆး တမ်းဝၢင်းမီး
ဝႆႉသေ လႆႈတူင်ႉၼိုင်ႁဵတ်းသၢင်ႈမႃးယူႇလၢႆတီႈလၢႆတၢင်း မိူဝ်းၼႃႈမႃးၵေႃႈ ၸွမ်းၼင်ႇဢၼ်ငဝ်းလၢႆးပၼ်လႄႈတီႈ
ဢၼ်တပ်ႉသိုၵ်းပႃႇတီႇမႂ်ႇသုင်ၸိုင်ႈတႆး SSPP/SSA ႁဝ်းၶႃႈတူင်ႉၼိုင်ဝႆႉၼၼ်ႉ ၵၢၼ်ငၢၼ်းပေႃႈမႄႈၵူၼ်းမိူင်းမီး
ၸိူင်ႉႁိုဝ်သေဢမ်ႇဝႃႈ တေၶၢတ်းၸႂ်ၸွႆႈထႅမ်ၵႂႃႇယူႇယဝ်ႉ။
