ပိၼ်ႇၶၢဝ်ႇ- SSPP info
2020 (25) January
ဝၼ်းထီႉ 24.1.2020 ၼၼ်ႉ သိုဝ်ႇၶၢဝ်ႇၼႂ်းမိူင်းထႆး လၢႆႁွင်ႈၵၢၼ် လၢႆးငၢၼ်းၶၢဝ်ႇဝႃႈ ၵူၼ်းၼႂ်းဝဵင်းၵဵင်း မႂ်ႇ(5)ၵေႃႉ လႆႈႁၼ်ၸပ်းတၢင်းပဵၼ် ယွၼ်ႉမူင်ႈမႅင်းဝူႊႁၢၼ်ႊၼႆယဝ်ႉ။ ၽၢင်ႁၢင်ႈတၢင်းပဵၼ် လႆႈတိတ်း ၸပ်းမႃးတီႈမူင်ႈမႅင်း ဝူႊႁၢၼ်ႊၼၼ်ႉၸမ်ႉ- 1- လူမ်းၼၢဝ်ၶိုၼ်ႈဝႆးသေ တႃႇႁႂ်ႈလူမ်းၼၢဝ်တူၵ်းၼၼ်ႉ ယၢပ်ႇယဵၼ်းၼႃႇ သင်ဝႃႈလူမ်းၼၢဝ်တူၵ်းၵေႃႈၼိုင်ႈၵမ်းၵူၺ်း ၶိုၼ်းၼၢဝ်ၶိုၼ်းယူႇ။ 2- ပေႃးၼၢဝ်ၵေႃႈ တေပႃးဢႆမႃး သမ်ႉတေပဵၼ်ႁိုင်ယူႇယဝ်ႉ။ 3- ၸၢင်ႈပဵၼ်တီႈလုၵ်ႈဢွၼ်ႇၵမ်ႉၼမ်၊ 4-တေလႆႈၶၢမ်ႇႁႅင်း ပေႃးပဵၼ်ၵူၼ်းပၢၼ်ၵၢင်ၸိုင်ႈ တေပဵၼ်ပႃးႁူဝ်ၶႆႈလႄႈၸဵပ်းတူဝ်ၸဵပ်းၶိင်းၼႆ ၸုမ်းၽၢႆႇမေႃယႃၶဝ် ထတ်းႁၼ်ၼင်ႇၼႆ။
ၼင်ႇႁိုဝ်တေထိင်းလႆႈတၢင်းပဵၼ် ပွတ်ႇၸဵပ်းယွၼ်ႉမူင်ႈမႅင်းၵေႃႊရူဝ်ႊၼႃႊ တီႈဝဵင်း ဝူႊႁၢၼ်ႊ မိူင်းၶေႇ ၼၼ်ႉ ၸွမ်ၸိုင်ႈၶေႇ သျီႊၵျိင်ႊၽိင်ႊ လႆႈၸတ်းပွႆႇ မေႃယႃၽၢႆႇသိုၵ်း (200) ပၢႆ ၵႂႃႇတီႈဝဵင်း ဝူႊႁၢၼ်ႊ ဝၼ်းထီႉ 24.1.2020 ၵမ်းလဵဝ်ယူႇယဝ်ႉ။ မူင်းမႅင်းဢၼ်လႆႈၸိုဝ်ႈ ၵေႃႊရူဝ်ႊၼႃႊ ၼၼ်ႉ ယွၼ်ႉၵွပ်ႈတႄႇပဵၼ်မႃးတီႈဝဵင်း ဝူႊႁၢၼ်ႊလႄႈ မူင်ႈမႅင်း ဝူႊႁၢၼ်ႊ ၼႆၵေႃႈဝႃႈယူႇယဝ်ႉ။ လုၵ်ႉတီႈဝဵင်းဝူႊႁၢၼ်ႊၼႆႉသေ ၽႄႈတိူၼ်းၵႂႃႇ(15)မိူင်း၊ ၼႂ်း မိူင်းထႆးလႆႈထတ်းႁၼ်မႅၼ်ႈ ၵူၼ်းၸပ်းတၢင်းပဵၼ် ယွၼ်ႉမူင်ႈမႅင်း ၵေႃႊရူဝ်ႊၼႃႊၼႆႉ(5)ၵေႃႉယဝ်ႉ လႄႈ လႆႈဝႃႈပဵၼ်မိူင်းထီႉ(2)ဢၼ်ပဵၼ်ၼမ်လိူဝ်ပိူၼ်ႈၼႆယဝ်ႉ။
