December 1, 2019
By – SSPP/ SSA
ၼႂ်းလိူၼ်တီႇၸိမ်ႇပႃႇ 1 ဝၼ်း ပီႊ 2019 ၼီႊ ယၢမ်းၵၢင်ၼႂ် 9:30 မူင်းတေႃႇထိုင် ယၢမ်းႁူဝ်ၶမ်ႈ 4:00 မူင်းၼၼ်ႉ ၵေႃႉႁၢၼ်ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈ ၵႂႃႇပုမ်ႇၶဝ်ႈၸွႆႈ ၵူၼ်းမိူင်းဝၢၼ်ႈၼမ်ႉၵတ်း ဢိူင်ႇဝၢၼ်ႈၽၢႆႇ ၸေႈဝဵင်းမၢႆ(6) တူင်ႇဝဵင်းမိူင်းယႆ ၼႆယူႇ။
ၵူၼ်းမိူင်းဢိၵ်ႇၵူၼ်းသိုၵ်း ႁူမ်ႈၵၼ်(20)ၵေႃႉ လႆႈၵႂႃႇပေႃႉၶဝ်ႈၼႃးၸွႆႈ သၢင်ႇလႃႉဢွင်ႇလႄႈ ၼၢင်း လႅင်း ယူႇဝၢၼ်ႈၼမ်ႉၵတ်း ၸုမ်း(1) ဢိူင်ႇဝၢၼ်ႈၽၢႆႇ ၼႆယူႇ။
ၵၢၼ်ၸွႆႈထႅမ်ပေႃႈမႄႈၵူၼ်းမိူင်းၼႆႉ ပဵၼ်ၵၢၼ်တွပ်ႇၵုင်ႇမုၼ် မႄႈၸဝ်းၵေးၸူး ပေႃႈၸဝ်ႈလႃၽေး ပေႃႈႁႆႈမႄႈၼႃးလႄႈ ၶၢဝ်းမႆႈၶဝ်ႈၶၢဝ်းၽူၼ် ၶၢဝ်းၽူၼ်ၶဝ်ႈၶၢဝ်းၵတ်း ႁိူဝ်ႉတေႃႇႁႅင်ႈ ၼင်ႇၵႃႈပွင် ပဵၼ်လႆႈၼၼ်ႉ ၵေႃႉႁၢၼ်ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး တိုၼ်းတေတိုတ်ႉတၢႆးၸုင် ၸၼ်ၸွႆႈထႅမ်ၵၢၼ်ပေႃႈမႄႈၵူၼ်းမိူင်းၵႂႃႇ ၶပ်ႉၶပ်ႉတၢမ်းတၢမ်းယူႇယဝ်ႉ။
