August 25, 2019
By – SSPP/ SSA
ၼႂ်းလိူၼ်ဢေႃးၵၢတ်ႉ 24 ဝၼ်း ပီႊ 2019 ၼီႊ ယၢမ်း 7:00 မူင်း တေႃႇထိုင် ယၢမ်းႁူဝ်ၶမ်ႈ 5:00 မူင်း ၼၼ်ႉ မေႃယႃ ၸၢႆးႁၢၼ်ႇ လႆႈဢွၼ်ႁူဝ်ၵေႃႉႁၢၼ် ၼႂ်းၽၢႆႇဢုပ်ႉပိူင်ႇၸေႈဝဵင်းမိူင်းယဵၼ် ပႃႈတႂ်ႈ ၵုမ်းၵမ် ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA)သေ လူင်းတူင်ႈ ႁၢပ်ႇၵႃႈ၊ သွမ်ႈၼႃး ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ဝႃႈၼႆ။
ၼႂ်းၵၢၼ်ၸွႆႈထႅမ်ပွၵ်ႈၼႆႉ ၵေႃႉသိုၵ်းၵေႃႉႁၢၼ်ၽၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး မီး(8)ၵေႃႉ၊ ၽၢႆႇ ပေႃႈမႄႈၵူၼ်းမိူင်းမီး(35)ၵေႃႉသေ ႁူမ်ႈသဵင်ႈၵေႃႉသိုၵ်းဢိၵ်ႇၵူၼ်းမိူင်း(43)ၵေႃႉ လႆႈႁူမ်ႈႁႅင်းၵၼ် ၸွႆႈထႅမ်ၶိုင်ႈသၢင်ႈ ႁၢပ်ႇၵႃႈသွမ်ႈၼႃးၸွႆႈလုင်းလႃႉမွင်ႇလႄႈပႃႈၼၢင်းၼုင်း ယူႇဝၢၼ်ႈပၢင်ႇၶမ်း၊ ဢိူင်ႇမိူင်းယဵၼ် တူင်ႇဝဵင်းၼမ်ႉတူႈၼၼ်ႉၵႂႃႇ လႆႈလီငၢမ်း ၼႆယဝ်ႉ။
ၽၼ်းၶဝ်ႈဝၢၼ်ႇၸဝ်ႈၼႃး ဢၼ်ၵေႃႉသိုၵ်းၵေႃႉႁၢၼ်(SSPP/ SSA )လႄႈၵူၼ်းမိူင်းပိုၼ်ႉတီႈ လႆႈ ၶွၼ်ႈႁႅင်းၵၼ်သေ ၸွႆႈထႅမ်ၽုၵ်ႈသွမ်ႈၵႂႃႇၼၼ်ႉ မီး(5)တၢင်ႇပၢႆပၢႆ ၼႆယဝ်ႉ။
