ၶၢဝ်ႇ-SSPP/SSA
2019 Agust (10)
ၵေႃႇမတီႇဢုပ်ႉပိူင်ႇၸေႈဝဵင်းမၢႆ(4) SSPP/SSA ၸေႈတွၼ်ႈမၢႆ(3) ၽၢႆႇၵူတ်ႇထတ်းတီႉၺွပ်းၵူၼ်း ၸိူဝ်းၵဵဝ်ႇၶွင်ႈယႃႈမဝ်းၵမ် ၼႂ်းၼႃႈတီႈၸေႈဝဵင်းၵေႇသီႇ ၸိုင်ႈတႆးပွတ်းၸၢၼ်း။
ဝၼ်းထီႉ 8.8.2019 ၸုမ်းၵူတ်ႇထတ်းၽဵဝ်ႈမူၺ်ႉယႃႈမဝ်းၵမ် ၸေႈဝဵင်းမၢႆ(4) SSPP/SSA တပ်ႉငဝ်ႈသိုၵ်း(909)ဢွၼ်ႁူဝ် ႁူမ်ႈႁွမ်းၵၼ်သေ ၵႂႃႇၵူတ်ႇထတ်းၵူၼ်းၵဵဝ်ႇၶွင်ႈယႃႈမဝ်းၵမ်ၼႂ်း ဢိူင်ႇၽႃယႃႉသေ တီႉၺွပ်းလႆႈၽူႈၵဵဝ်ႇၶွင်ႈယႃႈမဝ်းၵမ်(6)ၵေႃႉသေ ၸွမ်းၼင်ႇပိူင်ၵၢၼ် လႆႈတမ်းဝၢင်း ဝႆႉၵၢၼ်ၽဵဝ်ႈမူၺ်ႉယႃႈမဝ်းၵမ်ၼၼ်ႉ လႆႈဢဝ်သႂ်ႇၶွၵ်ႈၶင် တီႈႁူင်းၶွၵ်ႈၶင်ၸေႈဝဵင်းမၢႆ(4)SSPP/SSA ဝႆႉယူႇယဝ်ႉ။
ၵဵဝ်ႇၵၢၼ်ၵူတ်ႇထတ်းတီႉၺွပ်းၵူၼ်းၸိူဝ်းၵဵဝ်ႇၶွင်ႈယႃႈမဝ်းၵမ်ၼၼ်ႉ ၸွမ်းၼင်ႇပိူင်ၵၢၼ်ၽဵဝ်ႈမူၺ်ႉ ယႃႈမဝ်းၵမ် ဢၼ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး တမ်းဝၢင်းမီးဝႆႉၼၼ်ႉ ၵူႈၼႃႈ တီႈတိုၼ်းတေႁဵတ်းၵႂႃႇၸႅင်ႈၸႅင်ႈလႅင်းလႅင်းယူႇယဝ်ႉ။
