August 27,2019
By – SSPP/ SSA
ၼႂ်းလိူၼ်ဢေႃးၵၢတ်ႉ 27 ဝၼ်း ပီႊ 2019 ၼီႊၼႆႉ မေႃယႃလႄႈ ၽူႈၼင်ႈလုမ်းၸေႈဝဵင်းမၢႆ(10) လႆႈလူင်းၵဵပ်း သဵၼ်ႈမၢႆႁူဝ်ၵူၼ်း ၼႂ်းဢိူင်ႇမိူင်းၸိတ်ႇသေ ယူတ်းယႃပၼ်ပေႃႈမႄႈၵူၼ်းမိူင်းၸိူဝ်း ဢၼ်ပၢႆးယူႇလီဢမ်ႇတဵမ်ထူၼ်ႈ ၼႆယူႇ။
ပေႃႈမႄႈၵူၼ်းမိူင်းၼႂ်းဝၢၼ်ႈပၢင်ႇႁုင်း၊ ဝၢၼ်ႈပၢင်ႇသိမ်ႇ၊ ဝၢၼ်ႈၼမ်ႉႁူးပႃတိုင် ဢိူင်ႇမိူင်းၸိတ်ႇ ၸေႈဝဵင်းမိူင်းယႆ ၸိူဝ်းဢၼ်ပၢႆးယူႇလီဢမ်ႇတဵမ်ထူၼ်ႈမီး(30)ၵေႃႉ ၼႆယဝ်ႉ။
ၵေႃႉႁၢၼ် ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊ တပ်ႉသိုၵ်းၸိုင်ႈတႆး(SSPP/ SSA) လႆႈယူတ်းယႃ ပၼ်တၢင်းပဵၼ် လိူတ်ႈၶိုၼ်ႈ၊ ႁႅင်းဢေႇ၊ ၼၢဝ်ဝတ်း၊ ၶူပ်းၶိုၼ်ႈ၊ ၶဵဝ်ႈၶိုၼ်ႈ၊ ၼၢဝ်ၼူၵ်ႉ၊ ပွတ်ႇမႅင်း ၸိူဝ်းၼႆႉၵႂႃႇယူႇ။
