ၶၢဝ်ႇ-SSPP/SSA
2019 August (19)
ၽၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး ၽူႈၸတ်းၵၢၼ်ၸေႈတွၼ်ႈ ၸေႈတွၼ်ႈ မၢႆ(3) ၸဝ်ႈႁၢၼ် သၢင်ႇၶွင်ႇ ဢွၼ်ႁူဝ်ၼႂ်းၵေႃႇမတီႇၸေႈတွၼ်ႈ ႁဵတ်းပၢင်ၵုမ်ဢုပ်ႇဢူဝ်းၵူၼ်းမိူင်း ၼႂ်း ဢိူင်ႇႁူဝ်ပုင်ႇ ၸေႈဝဵင်းၵေးသီး ၸိုင်ႈတႆးပွတ်းၸၢၼ်း။
ဝၼ်းထီႉ 18.8.2019 ယၢမ်း 10:30 မူင်းတေႃႇထိုင်ယၢမ်း 12:15 မူင်းၼၼ်ႉ ၸဝ်ႈႁၢၼ် သၢင်ႇၶွင်ႇ ဢွၼ် ႁူဝ်ၼႂ်းၵေႃႇမတီႇၸေႈဝဵင်းမၢႆ(5) ႁဵတ်းပၢင်ၵုမ် မုၵ်ႉၸုမ်းၸၢႆးယိင်းပၢၼ်မႂ်ႇလႄႈ မုၵ်ႉၸုမ်းပေႃႈႁႆႈမႄႈ ၼႃး တီႈဝတ်ႉႁူမ်ႈယဵၼ်သြႃႇၸဝ်ႈဝၢၼ်ႈလွၵ်း ဢိူင်ႇႁူဝ်ပုင်ႇ၊ မုၵ်ႉၸုမ်းၸၢႆးယိင်းပၢၼ်မႂ်ႇ ၼႂ်းဢိူင်ႇ ၶိုၼ်ႈႁွတ်ႈ(35)ၵေႃႉ၊ မုၵ်ႉၸုမ်းပေႃႈႁႆႈမႄႈၼႃး ၼႂ်းဢိူင်ႇၶိုၼ်ႈႁွတ်ႈ(39)ၵေႃႉယူႇယဝ်ႉ။
တီႈၼႂ်းပၢင်ၵုမ်ၼၼ်ႉ ၸဝ်ႈႁၢၼ် သၢင်ႇၶွင်ႇ ၽူႈၸတ်းၵၢၼ်ၸေႈတွၼ်ႈမၢႆ(3) SSPP/SSA လႆႈသပ်း လႅင်း တႃႇၶိုၼ်းမႄးလိူၵ်ႈတၢင်ႇ ၽူႈဢွၼ်ႁူဝ်မုၵ်ႉၸုမ်းၸၢႆးယိင်းပၢၼ်မႂ်ႇလႄႈမုၵ်ႉၸုမ်းပေႃႈႁႆႈမႄႈ ၼႃး ၸွမ်းၼင်ႇပိူင်ၵၢၼ် မုၵ်ႉၸုမ်းၸၢႆးယိင်းပၢၼ်မႂ်ႇလႄႈမုၵ်ႉၸုမ်းပေႃႈႁႆႈမႄႈၼႃး ဢၼ်ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး တမ်းဝၢင်းမီးဝႆႉၼၼ်ႉၵႂႃႇ ၵႂၢင်ႈၵႂၢင်ႈၶႂၢင်ၶႂၢင်ယူႇယဝ်ႉ။
