August 27, 2019
By – SSPP/ SSA
ၼႂ်းလိူၼ်ဢေႃးၵၢတ်ႉ 26 ဝၼ်း ပီႊ 2019 ၼီႊ ယၢမ်းဝၢႆဝၼ်း 1:30 မူင်းၼၼ်ႉ ၸၢႆးပွၵ်းၽူႈတၢင် တူဝ် လုမ်းၸေႈဝဵင်းမၢႆ(10) လႆႈၵႂႃႇၸွႆႈထႅမ်ပပ်ႉလိၵ်ႈလႄႈ ၵမ်ၸိုမ်းတႃႇတႅမ်ႈမၢႆ တမ်ႈတီႈလုၵ်ႈ ႁဵၼ်း ဝၢၼ်ႈၼမ်ႉႁူးပႃတိုင် ဢိူင်ႇမိူင်းၸိတ်ႇ ၸေႈဝဵင်းမိူင်းယႆ ၼႆယူႇ။
လုၵ်ႈႁဵၼ်းတီႈႁူင်းႁဵၼ်းဝၢၼ်ႈၼမ်ႉႁူးပႃတိုင်ၼႆႉ လုၵ်ႈႁဵၼ်းၸၢႆးမီး(21)ၵေႃႉ၊ လုၵ်ႈႁဵၼ်းယိင်းမီး (40)ၵေႃႉ၊ မေႃသွၼ်ၸၢႆးယိင်းမီး(4)ၵေႃႉသေ ႁူမ်ႈလုၵ်ႈႁဵၼ်းဢိၵ်ႇမေႃသွၼ်မီး(65) ၵေႃႉ ၼႆယဝ်ႉ။
ၽူႈတၢင်တူဝ်ႁွင်ႈၵၢၼ်လုမ်းၸေႈဝဵင်းမိူင်းယႆ လႆႈပိၼ်ႇပၢႆႇဢုပ်ႇဢူဝ်းတိုၵ်းသူၼ်းပၼ်ႁႅင်းၸႂ် ႁႂ်ႈ မေႃသွၼ်တူၺ်းထိုင်လုမ်းလႃးႁူင်းႁဵၼ်းသေ ပူင်သွၼ်ၸီႉၼႄပၼ် ႁႂ်ႈၵၢၼ်ပၢႆးပႆႇၺႃႇ လုၵ်ႈဢွၼ်ႇ တႆးႁဝ်း ၶိုတ်းၸၼ်ႉၶိုတ်းပၢၼ်ၵႂႃႇ ၼႆယူႇ။
