ၶၢဝ်ႇ-SSPP/SSA
2019 Augest (10)
ၵေႃႉသိုၵ်းၵေႃႉႁၢၼ် ဢၼ်တူင်ႉၼိုင်ၼႂ်ႈၼႃႈတီႈ ၸိူဝ်းဢမ်ႇပဵၼ်ၼႃႈတီႈလိူတ်ႇမႆႈၼၼ်ႉ ပၼ်ၶၢဝ်း ယၢမ်းသေ ၸွႆႈထႅမ်သွမ်ႈၼႃးပေႃႈမႄႈၵူၼ်းမိူင်း ဝၢၼ်ႈၶူဝ်ၶမ်း ဢိူင်ႇမိူင်းပႃး ၸေႈဝဵင်းသႅၼ်ဝီ ၸိုင်ႈ တႆးပွတ်းႁွင်ႇ။
ဝၼ်းထီႉ 10.8.2019 ၶၢဝ်းယၢမ်း(10:00)မူင်းတေႃႇယၢမ်း(4:00)မူင်းတၢမ်းၶမ်ႈၼၼ်ႉ ၵေႃႉသိုၵ်း ၵေႃႉႁၢၼ် ၼႂ်းၸေႈတွၼ်ႈမၢႆ(8) ၸေႈဝဵင်းမၢႆ(3႐) တပ်ႉငဝ်ႈသိုၵ်း(999) ဢၼ်တူင်ႉၼိုင်ဢဝ်ႁူမ်ႇလူမ်ႈ ၼႃႈတီႈဝႆႉၼၼ်ႉ လူင်းႁဵတ်းၵၢၼ်ၸွႆႈထႅမ်သွမ်ႈၼႃး လုင်းၶမ်းဢေး+ပႃႈၶမ်းဢွင်ႇ ဝၢၼ်ႈၶူဝ်ၶမ်း ဢိူင်ႇမိူင်းပႃး ၸေႈဝဵင်းမၢႆ(3႐) SSPP/SSA ႁူဝ်သိုၵ်းလူင် ၸၢမ်ႇၺုၼ်ႉ ဢွၼ်ႁူဝ်ႁႅင်းၵူၼ်း(10)ၵေႃႉ သေၸွႆႈထႅမ် ထူၺ်ႈၵႃႈ၊ သွမ်ႈၵႃႈၵႂႃႇယူႇယဝ်ႉ။
ၸွမ်းၼင်ႇပိူင်ၵၢၼ်ၵေႃႇသၢင်ႈတပ်ႉ တပ်ႉသိုၵ်းၸိုင်ႈတႆးၵေႃႈ တိုၼ်းတႅမ်ႈဝႆႉၸႅင်ႈၸႅင်ႈလႅင်းလႅင်းဝႃႈ “ပေႃးၶၢဝ်းယၢမ်းတၼ်း ဢမ်ႇမီးလွင်ႈသုၵ်ႉသၵ်ႉသင်ၼၼ်ႉ ၸွမ်းၼင်ႇၵၢၼ်ငၢၼ်းပေႃႈမႄႈၵူၼ်းမိူင်း မီးၶၢဝ်းလႂ်ၶၢဝ်းၼၼ်ႉ တေလႆႈၸွႆႈထႅမ်ၵၢၼ်ငၢၼ်းပေႃႈမႄႈၵူၼ်းမိူင်းၵႂႃႇ”ၼႆယူႇယဝ်ႉ။
