ၶၢဝ်ႇ-SSPP/SSA
2019 August (20)
ၵေႃႉသိုၵ်းၵေႃႉႁၢၼ် ဢၼ်တူင်ႉၼိုင်ၼႂ်ႈၼႃႈတီႈဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆးၼၼ်ႉ ဢဝ်ၶၢဝ်းယၢမ်းသေ ၸွႆႈထႅမ်ႁဵတ်းၵၢၼ်ပၼ်ပေႃႈမႄႈၵူၼ်းမိူင်း ဝၢၼ်ႈပၢင်ႇၶမ်း ဢိူင်ႇမိူင်းယဵၼ် ၸေႈဝဵင်းၼမ်ႉတူႈ ၸိုင်ႈ တႆးပွတ်းႁွင်ႇ။
ဝၼ်းထီႉ 20.8.2019 ယၢမ်း 06:00 မူင်းၵၢင်ၼႂ်တေႃႇ ယၢမ်း 04:00 တၢမ်းၶမ်ႈၼၼ်ႉ သိုၵ်းႁၢၼ် ၸၢႆးငႄး ဢွၼ်ႁူဝ်ၼႂ်းတပ်ႉႁူမ်ႇလူမ်ႈ ၸေႈတွၼ်ႈမၢႆ(10) SSPP/SSA တပ်ႉငဝ်ႈသိုၵ်း(999) ဢၼ်တူင်ႉၼိုင် ဢဝ်ႁူမ်ႇလူမ်ႈ ၼႃႈတီႈဝႆႉၼၼ်ႉ ဢွၼ်ႁူဝ်ႁႅင်းၵူၼ်းသိုၵ်း(7)ၵေႃႉ လူင်းႁဵတ်းၵၢၼ်ၸွႆႈထႅမ် ႁၢပ်ႇၵႃႈ သွမ်ႈၼႃး ပႃႈယဵၼ်ႇ ဝၢၼ်ႈပၢင်ႇၶမ်း ဢိူင်ႇမိူင်းယဵၼ် ၸေႈဝဵင်းမၢႆ(17) SSPP/SSA ဢၼ်မီးၾၼ်းၶဝ်ႈ ဝၢၼ်ႇ(5)တၢင်ၼၼ်ႉ လႆႈဢဝ်ႁႅင်းသိုၵ်းသေ ၸွႆႈထႅမ်သွမ်ႈၵႂႃႇယူႇယဝ်ႉ။
ၸွမ်းၼင်ႇပိူင်ၵၢၼ်ၵေႃႇသၢင်ႈတပ်ႉ တပ်ႉသိုၵ်းၸိုင်ႈတႆးၵေႃႈ တိုၼ်းတႅမ်ႈဝႆႉၸႅင်ႈၸႅင်ႈလႅင်းလႅင်းဝႃႈ “ပေႃးၶၢဝ်းယၢမ်းတၼ်း ဢမ်ႇမီးလွင်ႈသုၵ်ႉသၵ်ႉသင်ၼၼ်ႉ ၸွမ်းၼင်ႇၵၢၼ်ငၢၼ်းပေႃႈမႄႈၵူၼ်းမိူင်း မီးၶၢဝ်းလႂ်ၶၢဝ်းၼၼ်ႉ တေလႆႈၸွႆႈထႅမ်ၵၢၼ်ငၢၼ်းပေႃႈမႄႈၵူၼ်းမိူင်းၵႂႃႇ”ၼႆယူႇယဝ်ႉ။
